#قانون_الأسرة #القانون_المدني #صياغة_عقود #نصيحة_قانونية #محاماة

ليه "عقود البيع" بين الأقارب (الزوج والزوجة) ممكن تضيع حقك لو متصاغتش صح؟

كتير من الحالات اللي بتمر علينا في قضايا "الأسرة" بتكون مرتبطة بأصل "مدني" وهو الملكية. مثلاً: زوج يبيع لزوجته شقة، أو أب يبيع لأولاده، وللأسف العقود دي بتضرب بسهولة في المحاكم لسببين:

الصورية: لو العقد ملوش "ثمن حقيقي" مدفوع أو مفيش قدرة مالية للمشتري، العقد ده بيبقى في مهب الريح أمام دعاوى "الصورية" من باقي الورثة أو الدائنين.

عقد البيع المنقلب لوصية: لو العقد فيه نص يخلي البائع يحتفظ بحق الانتفاع طول حياته، المحكمة ممكن تكييف على إنه "وصية" وليس بيع، الوصية لا تجوز الوارث إلا بموافقة باقي الورثة.

نصيحة قانونية من واقع الممارسة:

المحامي الشاطر مش بس اللي بيكتب "عقد بيع ابتدائي"، لكن اللي بيعرف يحصن العقد ده من الطعن عليه مستقبلاً من خلال:

إثبات سداد الثمن بآلية بنكية أو بشهود.

صياغة بنود تمنع الخلط بين التصرف الناجز و الوصية