أحد مواضيعي عن الbranding - تاريخ الbranding

هنتكلم في البوست دة عن تاريخ البراند ونشأته و تطوره بشكل مبسط

البوست دة هو تمهيد لسلسلة مواضيع هنتكلم فيها عن علم صناعة البراند

لو متوقع ان الbranding بدء مع ظهور علم التسويق أو التطور التكنولوجي فدة مش صح ، البراند موجود من العصور القديمة والعصور الوسطي وأستمر في التطور لغاية لما وصل للconcept الحالي

علشان اقدر اختصر البوست دة بقدر الإمكان مش هتطرق لمواضيع

من نوع تاريخ كلمة brand بيرجع إلى اللغة النرويجية القديمة و كان معناها..

مش هتكلم غير عن التفاصيل اللي تهمنا في فهم المواضيع القادمة والمفيدة في علم صناعة البراند خصوصاً إن موضع البوست دة في رويات كتير إحنا هناخد اللي يهمنا منها فقط

تطورات و صور وأهداف البراند أختلفت من عصر لأخر وسلسلة التطورات دي مرت ب4 مراحل تقريباً

" مرحلة الownership " ودي كانت في العصور القديمة والبدائية وكان الموضوع عبارة عن رمز اوعلامة فقط ، يعني بيشبه ال Logo في وقتنا الحالي لكن مش بالتطور والتخطيط و الحسابات اللي بتتم قبل أنشاء اللوجو في وقتنا

لان الرمز او العلامة كان بيستخدمه الحرفيين و اصحاب الماشية في الوقت دة لتمييز أعمالهم وممتلكاتهم عن اعمال وممتلكات الأخرين يعني لأثبات الملكية فقط ووفقناً لموقع sky word في اثار مصرية عمرها 4000 سنة موجود عليها صور ماشية موشومة بعلامات

وبمرور الوقت والزمن بنوصل لمرحلة جديدة وهي

" مرحلة الclassification " ودي كانت في العصور الوسطي واستمر شكل الرمز التعبيري عن الملكية ولكن تطور لوجود تمييز للدول والوظائف وأمور مختلفة داخل كل مجتمع مثلاً أعلام للدول و ملابس خاصة بالجنود وأخري بالملوك وربما بوظائف أخري وعلامات توشم علي جسد القراصنة و العبيد واستخدم ايضاً البراند صناع الفخار في الهند️والصينواليونان والعراق لتمييز منتجاتهم

بعدها وصلنا لعصر جديد وبالتالي مفاهيم جديدة

" مرحلة الQuality " ودي كانت في عصر الثورة الصناعية و بداية التنافس بين المصانع المنتجة لنفس السلع او المنتجات وهنا تطور مفهوم البراند من غرض إثبات الملكية والتصنيف وأضيف ليهم عنصر الجودة يعني كل شركة منتجاتها أصبحت بتتعرف بمستوي جودة معين

وبننتقل لأخر مرحلة والأكثر تطوراً وماذالت مستمرة في التطور

" مرحلة الVisuals " ودي مرحلة العصر الحديث والتطور السريع في concept البراند وكان السبب الرئيسي للتطور دة هو تطور صناعة المرئيات من طباعة ملونة و تليفيزيون وسينما وأخرهم اجهزة الكمبيوتر والهواتف الذكية بأستخدام الأنترنت

حالياً إحنا قبل تصميم الهوية البصرية اللي هيا عنصر من عناصر الbrand

بندرس السوق المستهدف وأهداف الشركة وبنحدد علي هذا الاساس تصميم اللوجو و الإلوان المناسبة لتصميمه والألوان المستخدمة في الموقع الإلكتروني والمطبوعات والPackaging ودة طبعاً لأن الالوان ليها دلالات وتأثير نفسي علي البشر

ووصلنا لتطورات أكبر بكتير خصوصاً في عامل التمييز الموضوع مبقاش مقتصر علي الVisual identity لان الهوية البصرية هي عنصر من 5 عناصر بتشتغل علي الخمس حواس وهنتكلم عنهم في بوست تاني عن الbranding

مش عايز شير ولا لايك ولا اي حاجه من الكلام دة

عايز بس اللي قراء البوست دة للأخر يكتب انه قراء للنهاية

وأقترحوا مواضيع اناقشها معاكم الفترة الجاية