اتمتة عملية البحث عن مشاريع شركة الروابي العقارية

أكتر لحظة بيكرهها أي موظف مبيعات؟ إنه يقول للعميل "معلش يا فندم، هشوف المعلومة دي وارجع اكلم حضرتك تاني". في اللحظة دي، حماس العميل بيقل، والفرصة ممكن تضيع.

دي كانت المشكلة بالظبط اللي بتواجه فريق المبيعات في "الروابي العقارية". 6 موظفين، كل واحد بيقضي دقايق غالية من وقته في البحث اليدوي جوه شيتات جوجل المعقدة عشان يلاقي معلومة عن مشروع، وأحيانًا بيضطر يقفل المكالمة.

قلت لأ. لازم نلاقي حل.

ومن هنا، بدأت رحلة بناء مساعد مبيعات ذكي شغال بالذكاء الاصطناعي، وموجود معاهم على تليجرام طول الوقت. ?

ايه اللي السيستم ده بيعمله؟ ببساطة... السحر:

الموظف بيبعت للـ bot أي سؤال، سواء كتابة أو حتى ريكورد بصوته، وبأي لهجة (مصري، سعودي، ...).

Ai Agent بيسمع السؤال ويفهمه، وبيطلع منه كل الشروط المطلوبة (مثلاً: فيلا، في حي كذا، بسعر أقل من مليون، فيها 3 غرف نوم).

السيستم (اللي بنيته على n8n) بياخد الشروط دي ويدور بيها في قاعدة البيانات كلها في أقل من 3 ثواني.

لو مفيش، بيرد رد محترم يقول "غير متوفر".

لو لقى مشروع أو أكتر، بيستخدم Ai Agent تاني عشان يكتب رسالة رد شيك ومنظمة فيها كل تفاصيل المشاريع بالـ Emojis وباللينكات القابلة للضغط (للموقع والصور والفيديوهات)، جاهزة إن الموظف يعملها Forward للعميل وهو لسه معاه على التليفون.

النتيجة؟ عملية البحث اللي كانت بتاخد 10 دقايق ومكالمة بتتقفل، بقت بتاخد 10 ثواني. إحنا مش بس وفرنا وقت، إحنا علينا من كفاءة واحترافية فريق المبيعات.

متوقعين إنتاجية الفريق تزيد بنسبة 30%، مش بس عشان الوقت اللي هيوفروه، لكن عشان الفرص اللي مش هتضيع تاني.

الفكرة مش في الأدوات، الفكرة في طريقة التفكير في حل المشاكل. والأتمتة والذكاء الاصطناعي بيدونا قوة جبارة عشان نغير طريقة شغلنا للأحسن.