Loopie logo

هوية براند Loopie (فن الهاند ميد والأميجرومي)

فكرة المشروع: "المشروع ده قايم على فكرة (التفاصيل اللي بتتعمل بحب). براند Loopie متخصص في شغل الكروشيه والأميجرومي، فكان لازم الهوية بتاعته تكون ناعمة وقريبة من القلب، وفي نفس الوقت شكلها شيك ومحترف."

ليه اخترت التصميم ده؟

اللوجو: اخترت خط فيه انحناءات بسيطة عشان يدي إحساس "الخيط" وشغل الإيد، ويكون سهل يتقري ويتحفر في ذاكرة اللي يشوفه.

الألوان: دمجت درجات هادية بين الوردي والأخضر المريمي (Sage Green)؛ الألوان دي بتعكس طبيعة المنتجات الرقيقة وبتخلق حالة من الهدوء والراحة البصرية.

التغليف: صممت شكل العلب والتاجات اللي بتتعلق على الشغل، عشان حابة العميل لما يفتح الأوردر يحس إنه جايله هدية قيمة مش مجرد منتج.

الهدف من الهوية: تحويل "الهاند ميد" لبراند قوي له بصمة واضحة، والجمع بين بساطة الشغل اليدوي وفخامة التصميم العصري.