ستورى تيلينج

قمت بعمل قصة لشرح التعامل مع أحد الأمراض البيطرية التى تنتقل من الحيوان للإنسان وقد بدأتها بهوك جذاب ثم تطرقت إلى عرض المرض والتوعية اللازمة وانهيت القصة بسؤال للتفاعل

“امشي… اطلعي بره!”

الكلمة اللي قالتها مريم لقطتها "بوسى"…

وهي حزينة وزعلانة وعينيها مليانة دموع.

ماما شافتها وسألتها باستغراب:

"ليه بتطلّعي قطتك اللي بتحبيها برّه يا مريومه؟"

مريم ردّت بخوف:

"يا ماما… صاحبتي فريدة قالتلي إن بوسى هتعدّيني بتوكسوبلازما…

وإنه مرض خطير!"

مامت مريم قالت لها بهدوء:

"قبل ما نخاف… لازم نسأل ونتأكد.

إيه رأيك نكلم دكتورة بيطرية؟"

مريم قالت:

"إحنا نعرف دكتورة؟"

ضحكت الأم وقالت:

"طبعًا… نسأل دكتورة هناء."

واتصلوا بالدكتورة هناء…

وكان ردّها واضح ومريح:

"القطط مش هي اللي بتنقل العدوى…

القطط بتتصاب زينا تمام.

التوكسوبلازما بتيجي أساسًا من:

– اللحمة النيّة أو الملوّثة

– الخضار اللي مش مغسول

مش بس من القطط."

وأضافت الدكتورة:

"ولو عايزة تحافظي على بوسى:

– طعّميها أول بأول

– اهتمي بجرعات الديدان

– ونضّفي بوكس الفضلات يوميًا

وأما بالنسبة ليكي يا مريم:

– كلي أكل نظيف مطهي كويس

– واغسلي إيديكي بعد تنظيف البوكس."

من اليوم ده…

مريومة بطّلت تخاف…

وحضنت بوسى من جديد،

وبقوا يلعبوا سوا زي الأول ??

إيه رأيكم في القصة؟

قولولي في الكومنتات… مين حصل معاه موقف شبه مريومة؟