مقال الفرق بين الصداع الهرموني والعادي
تفاصيل العمل
مش قادره دماغي وجعاني
مش نافع اي مسكن معايا
الجمله دي سمعنها كتير من بنات او احنا نفسنا مرينا بيها
الحظه دي بتكون صعبه ومولمه جدا
طيب ازاي نفرق بين انواع الصداع
بحاجات معينه لو عرفنها هنعرف ده اي نوع واي علاجه
بصي يا جميله
لو الصداع بيجيلك قبل الدوره بيومين وبيقعد اول يومين في الدوره
او بيجلك في الحمل او الرضاعه
او لو بداتي او بطلتي تاخدي موانع حمل
او في وقت التبويض
او قبل انقطاع الدوره الشهريه
يعني بيقي ليه ميعاد محدد والمسكنات مش بتخخف الم بشكل كبير
وعينكي بتكون مزغلله
والصوت والنور بينرفزوكي
وبيكون في شكل نبض في جانب واحد من الراس
زي الصداع النصفي
ده يبقي صداع هرموني
طيب يعني ايه صداع هرموني
صداع بيجي نتيجه تغير هرمونات ومن اهمها هرمون الاستروجين
طيب كده مالوش حل يعني
لافيه
قبل الدوره بيومين او تلاته اشربي مياه كتير
قللي ملح
نامي كويس من7 الي 8 ساعات
اول ما تحسي بالم خدي مسكن متستنيش اما يزيد
كلي موز سمسم اكل غني بالمغنيسوم زي السبانخ
طيب في لحظات الم الشديد نعمل ايه
ممكن نعمل كمدات مياه بارده علي الرقبه والجبهه
نرتاح من 10 الي 12 دقيقه
نبعد عن اي صوت او نور مزعج
طيب لو الصداع بيجيلك اما بتكوني مرهقه او مش نايمه كويس او جعانه او مضغوطه نفسيا او مشاكل في النظر
بيكون الم في ناحيتين الراس علي شكل ضغط
مش بيبقي ليه وقت معين
يبقي صداع عادي بيروح بمسكنات
ونعالج سببه زي قله النوم ننام كويس
او الجوع ناكل كويس
مشاكل في النظر نعالجها
الخلاصه
جسمنا بيبعت رسايل لازم نسمعها ونفهمها علشان نعيش بصحه وعافيه