تصميم ملف تعريفي كامل لشركة سرشاء

اشتغلت على تصميم ملف تعريفي لشركة SaarShaa Logistics Services، وكان الهدف إن الشكل النهائي يدي إحساس بالاحتراف ويعكس فكرة الشحن بجميع أنواعه — بري، بحري، وجوي. ركزت إن التصميم يكون هادي، واضح، ومناسب لطبيعة البراند، مع لمسة حركة وسرعة تعبر عن مجال اللوجستيات.

استخدمت الألوان الزرقاء لأنّها بتدي ثقة وراحة للعين، ودمجت صور الطيارة والسفينة والشاحنات بشكل ناعم يخلي الملف التعريفي متكامل ومفهوم من أول نظرة. اهتمّيت كمان إن اللوجو يكون واضح ومتصدر في النص بدون ما يضيع وسط الخلفية.

الملف في الآخر طلع شكله عصري ونضيف، والعميل كان مبسوط جدًا بالنتيجة لأنه حسّ إن الشغل بيعبر عن نشاطه فعلاً.

الصراحة استمتعت بالشغل ده جدًا. كنت عايز أعمل حاجة بسيطة بس تلفت النظر من أول لحظة. بدأت أوظّف العناصر واحدة واحدة لحد ما الصورة بقت متناسقة ومريحة. كل تعديل كنت بعمله كان بيقرب أكتر من الشكل اللي في بالي.

أكتر حاجة عجبتني في التجربة إنّي قدرت أوازن بين الواقعية والستايل العصري، وده اللي خلّى الهوية طلعت جذابة بدون زحمة تفاصيل. وفي النهاية وصلت لنتيجة مرضية ليا وللعميل.