مكتب محاماة

مكتب محاماة تواصل معايا وكان بيعاني من مشكلة متكررة:

نتائج الإعلانات ضعيفة، ميزانيات بتتصرف بدون عائد، ومفيش أي تتبع يوضح مصدر العملاء الحقيقيين.

غير كده، المكتب كان بيعتمد على الاتصالات فقط — ومعظم الاتصالات مكنوش بيردوا عليها بسبب ضغط الشغل، فكانوا بيفقدوا عملاء محتملين كل يوم بدون ما يحسّوا.

المرحلة الأولى: اكتشاف المشكلة

بعد مراجعة الحساب، لقيت إن:

1- مفيش أي تتبع للكولز، الفورمز، ولا الزيارات المهمة.

2- الحملات كلها عامة ومش موجهة لخدمات محددة زي القضايا التجارية أو الجنائية أو النزاعات الأسرية.

3- الإعلانات كانت بتجيب ناس مش مهتمة فعلًا، وده بيزود الاتصالات غير المفيدة.

4- مفيش إدارة لمواعيد الرد، ففرص كتير كانت بتضيع بدون ما المكتب يعرف.

المرحلة الثانية: بناء استراتيجية جديدة

1- بدأت بإعادة هيكلة الشغل بالكامل بطريقة تخدم المكتب وتوفّر عليه الوقت والمجهود:

2- إضافة تتبع كامل للاتصالات، والنماذج، وزيارات الصفحات المهمة باستخدام

GA4 + GTM

علشان نعرف بالضبط مين اللي بيتحول ومين لأ.

تقسيم الحملات لخدمات محددة:

1- قضايا تجارية

2- قضايا جنائية

3- قضايا أحوال شخصية

4- استشارات قانونية

كل حملة بكلماتها، جمهورها، ورسالتها الإعلانية.

كمان:

- فلترة الكلمات المفتاحية لتقليل الاتصالات غير الجادة أو اللي بعيدة عن اختصاص المكتب.

- تحسين مراحل التواصل عن طريق:

1- استخدام Call Ads لكن بطريقة ذكية.

2- إضافة أزرار واتساب ونماذج سريعة عشان ما نعتمدش على المكالمات بس.

النتائج:

بعد أسبوعين فقط:

1- زيادة واضحة في الاتصالات.

2- انخفاض كبير في الاتصالات غير المفيدة.

3- العميل لأول مرة قدر يعرف أي خدمة بتجيب أحسن نتائج وأي حملة تتطور.

4- ارتفعت نسبة العملاء الفعليين لأننا بطلنا نعتمد على المكالمات فقط، وبقى فيه طرق تواصل أسهل.