إنشاء نظام أوتوميشن متكامل لإدارة دورة حياة المنتجات وربط أقسام الشركة بشكل فوري

في أي شركة بتتعامل مع منتجات كتير، فيه دايمًا نفس الصراع:

ملفات هنا، روابط هناك، صور على مجلدات متفرّقة، Excel بيتحدّث يدوي، حد ينسى يرفع حاجة، وحد يحدّث حاجة غلط… وفي الآخر:

الداتا عمرها ما بتوصل لكل الأقسام بشكل واضح، ومنتظم، وفي وقتها.

المشكلة دي كانت بتسبب بطء، لخبطة، واعتماد كبير على شغل Manual ممكن يغلط أو يتأخر.

فبدأت من السؤال: "ليه كل ده يتم بإيد بشرية؟"

ومن هنا جه المشروع:

نظام أوتوميشن كامل ينظم حياة المنتج بالكامل… من لحظة تسجيله لحد ما يوصل لكل الأقسام جاهز ومترتب.

إزاي النظام اشتغل؟

1. تحويل الفوضى إلى Workflows واضحة

حوّلت كل العمليات اللي كانت بتتعمل بملفات وروابط وجداول إلى Workflows مترابطة في n8n تتنفّذ تلقائيًا وبدون أي تدخل بشري.

2. n8n = العقل الرئيسي

من خلاله قدرت:

أقرأ البيانات أعمل الملفات أرفعها أحدّث الروابط أتعامل مع الـ APIs أبعت تنبيهات.

3. ngrok علشان الدنيا تمشي بدون توقف

لأن الشغل كان محلي، استخدمت ngrok لتشغيل الـ Webhooks باستمرار.

ده خلى كل الـWorkflows شغالة 24/7 بدون ما حاجة تقع.

4. Google Sheet = قاعدة بيانات المنتجات

كل منتج بقى له صف فيه:

الوصف التصنيف الوزن الأبعاد مجلدات الصور الفيديوهات كل الروابط اللي النظام بينشئها تلقائيًا

5. رفع الملفات تلقائي بالكامل

استخدمت gdrive مع n8n علشان كل ملفات المنتج تترفع على Google Drive:

في مكانها الصحيح تحت التصنيف المناسب بدون ما حد يرفعها بإيده وبدون ما تفقد ولا ملف وبمجرد ما يتعمل ملف أو مجلد، الرابط يتسجّل تلقائيًا في الشيت في نفس اللحظة.

6. واجهة سهلة للموظفين: Telegram Bot

بدل ما كل قسم يدوّر، ويسأل، ويفتح عشرين Folder…

عملت Telegram Bot.

الموظف يكتب اسم المنتج بس، والنظام يرجعله فورًا بكل حاجة:

روابط الصور ملفات الوصف الفيديوهات التحديثات كل التفاصيل جاهزة بضغطة واحدة

7. نظام متابعة يومي للتعديلات

كل يوم الساعة 8 صباحًا النظام يبعت للتيم التقني:

إيه المنتجات اللي اتعدل عليها؟

اتضاف صور؟ اتغير الوصف؟ اترفعت فيديوهات؟

مع لينك مباشر للملف اللي اتغيّر

وبكده مفيش أي تعديل يعدّي بدون ما الفريق يعرف.

التقنيات المستخدمة:

n8n ,Google Apps Script ,Google Drive API , Google Sheet API , Google Docs API , Telegram API , gdrive , ngrok

النتيجة النهائية

نظام أوتوميشن كامل… بيلم الداتا من أولها لآخرها، ينظمها، يربطها، يرفعها، يسجّلها، ويقدّمها لكل الأقسام في ثانية.

لا Manual Work

لا ملفات ناقصة

لا روابط متلخبطة

لا أي مجهود إضافي

سرعات أعلي دقة أكتر شغل أنضف وكل المعلومات متاحة فورًا لأي حد محتاجها