هوية بصرية مبتكرة لمتجر KIDSKITS مستوحاة من عالم ألعاب الأطفال بألوان مرحة

بهالمشروع صمّمت شعار لمتجر إلكتروني مختص بألعاب الأطفال اسمه KIDSKITS، باستخدام Adobe Illustrator. الفكرة الأساسية كانت إني أستلهم كل عنصر بصري من صور مليانة طاقة ولعب وضحك.

استوحيت فكرة قطع البازل من الصور اللي فيها أطفال بيركبوا ألعاب تركيب وتعليم، لأنها بتمثل الذكاء والاكتشاف وتنمية المهارات. ومن ضحكات الأطفال بالصور أخذت روح الهوية: البساطة، المرح، والإيجابية.

رمز الدائرة كان مستوحى من الكرات الملونة الموجودة بالصور، لأنها عنصر أساسي بعالم ألعاب الأطفال وبتعطي إحساس بالحركة والتفاعل.

أما رمز الـ +، فاستلهمته من صورة يد الطفل اللي ماسك جهاز تحكّم ألعاب، لأنه من أشهر الرموز المتعلقة بالألعاب الإلكترونية، وبيعطي انطباع حيوي ويعكس تنوّع المتجر بين الألعاب التقليدية والإلكترونية.

الألوان اللي اخترتها، الأحمر والأزرق، مستمدة من أجواء الصور الحيوية والمرحة، وبتخلق توازن بصري مناسب للأطفال والأهالي.

كل هالعناصر اجتمعت بشكل مدروس باشكال هندسية مرتبة، موزونة، ومتناسقة ودقيقة، مع استخدام الخطوط Aref_Menna و Gotham Rounded، اللي أعطت الشعور بالتناسق والانسجام مع الهوية المرحة.

النتيجة كانت شعار بلمسة طفولية محبّبة واحترافية، وبهوية مستوحاة بالكامل من عالم اللعب الحقيقي، جاهز للاستخدام على المتجر الإلكتروني، السوشيال ميديا، التغليف، وغيرها.