تصميم واجهة ابليكيشن

عملت على تصميم تطبيق للاستماع للمحتوى الصوتي مشابه لفكرة منصة Masmou3، والهدف منه تقديم تجربة مريحة وسلسة للمستخدم أثناء متابعة الكتب الصوتية والبودكاست. ركزت في التجربة على البساطة، سهولة الوصول للمحتوى، وتنظيم المكتبة الصوتية بشكل واضح يخلي المستخدم يوصل للي عايزه من غير ما يتوه.

بدأت المشروع بدراسة سلوك المستخدمين اللي بيحبوا المحتوى الصوتي، وحددت النقاط اللي بتهمهم زي جودة التجربة أثناء الاستماع، إدارة قوائم التشغيل، وخيارات التحكم السريعة في الصوت والسرعة. بعد كده اشتغلت على user flow واضح، وعملت wireframes للصفحات الأساسية زي شاشة الاستماع، المكتبة، البحث، والصفحة الشخصية.

صممت الواجهة على Figma باستخدام ألوان هادئة وتايبوغرافي مريح للعين، مع أيقونات بسيطة وتفاعلات خفيفة تساعد المستخدم يتنقل بسهولة. الهدف كان إني أوصل لتجربة هادية ومنظمة تخلي المستخدم يستمتع بالمحتوى من غير تشتيت.