جايزة الفسيخة الذهبية

جايزة الفسيخة الذهبية

للبراند إللي عمل content طرقع وانتشر في لمح البصر.

شم النسيم مش بس عيد..

ده موسم إللي بيعرف يركب الموجة، واللي بيغرق في بحر الريتش!

في براندات بتشم النسيم.. وبراندات تانية بتشم ريحة المنافسة وهي بتعدّي من جنبها!

فـ يا ترى.. براندك أنهي نوع؟

إللي بينزل ببوست صايع يخلي الناس تقول: "الله على الريحة!"

ولا إللي لسه بيسأل: "نعمل حاجة لشم النسيم ولا بلاش؟"

إحنا هنا علشان نساعدك تبقى أول واحد، فاهم إن كل عيد تريند، وكل مناسبة game..

والـ game المرة دي ليها جايزة، اسمها: "الفسيخة الذهبية"

إيه شروط الجايزة؟

أول حاجة بوست يڤيرل، يعمل دوشة حلوة، ريحته تنتشر في كل حتة.. يخلي الناس تعمل شير وهي بتضحك، وعلى وشهم shock مصحوب بـ: "جابوها منين دي؟!"

ولازم الفكرة تبقى جديدة.. مش من بتوع "كل سنة وانتم طيبين بمناسبة شم النسيم"

عايزينها من مطبخ البراند.. مش ميم متسخن

يعني شغل كرييتيف.. طازة.. مش بوست من جروب واتساب عليه لوجو واتر مارك.

وضروري ريحة البراند تبان في البوست..

مش نكتة وخلاص، لأ، نكتة بنكهتك انت، نعرف إن دي منك حتى لو اتشال اللوجو.. ريحة المحتوى لازم تبقى شبهك!

راعي كمان توقيت النزول مظبوط

انشر في وقت الناس فيه لسه بتتكلم عن المناسبة، مش بعدها بـ ٣ أيام. الموجة مش بتستنى حد!

الناس بتحب تضحك.. ولو ضحكتهم، هيحبوا البراند.

ولو حبوا البراند، هيشتروا من غير خصم.

ولو اشتروا من غير خصم؟

أنت مش بس كسبت الفسيخة.. انت كسبت السوق كله!

قولنا بقى..

براندك مترشّح للفسيخة الذهبية.. ولا لسه بتاكل كحك العيد؟

#ماركتنج_بالبلدي

#ماركتنج

#شم_النسيم

#socialmedia #marketingdigital #تسويق #SocialMedia #socialmediamarketing #xx #marketing