داشبورد Power BI استراتيجية لتحليل طلبات القروض وتقييم المخاطر الائتمانية

وصف المشروع :

المشروع ده بيحوّل بيانات طلبات القروض المعقدة لأداة قوية بتساعد في اتخاذ قرارات دقيقة وسريعة.

عملت داشبورد تفاعلية في Power BI مكوّنة من 3 صفحات تحليلية، الهدف منها إنها تقدم رؤية شاملة وواضحة لكل مراحل عملية الإقراض.

التحليل متقسم على 3 أجزاء أساسية:

نظرة عامة على الطلبات (Applications Overview):

الصفحة دي بتعرض الأداء العام من خلال مؤشرات رئيسية زي إجمالي الطلبات (حوالي 1.5 ألف طلب)، وعدد الموافق عليه (96)، وعدد المرفوض (حوالي 1.4 ألف).

بعد كده، التحليل بيقسم النتائج حسب القناة، المنتج، والمنطقة علشان نعرف فين النشاط الأكبر وإيه اللي محتاج تحسين.

ملف العميل والدخل (Customer Profile & Income):

الجزء ده بيركّز على فهم خصائص العملاء اللي بيقدّموا على القروض.

حللت البيانات الديموغرافية زي الفئة العمرية (أكتر شريحة بين 25 و45 سنة)، الحالة الاجتماعية، ومستويات الدخل حسب نوع الوظيفة.

الهدف إن الإدارة تقدر تستهدف الشرائح المربحة بدقة أكتر.

مخاطر الائتمان والسداد (Credit Risk & Repayment):

الصفحة دي بتوضح مستوى المخاطر المالية عند المتقدّمين.

فيها مؤشرات مهمة زي متوسط نسبة الدين للدخل (DTI) اللي وصلت لـ0.16، وكمان متابعة تاريخ التأخير في السداد.

وده بيساعد الفريق المالي يقيّم المخاطر بدقة قبل الموافقة على القرض.

النتائج :

1. رفع معدل قبول الطلبات: التحليل وضّح أسباب الرفض، وده ساعد الإدارة تصححها، فبالتالي زادت نسبة الموافقات.

2. تعظيم العائد من التسويق: قدرنا نحدد القنوات والعملاء الأكثر ربحية، فتم توجيه الميزانيات بشكل أذكى.

3. تحسين قرارات الائتمان: بقى عند الإدارة نظام إنذار مبكر يساعدها تاخد قرارات أسرع وأدق ويقلل من المخاطر.

الأدوات المستخدمه:

Microsoft Power BI → لتصميم وتطوير الداشبورد التفاعلية.

Power Query → لاستخلاص وتحويل وتحميل البيانات (ETL).

DAX → لبناء المقاييس والمؤشرات التحليلية المتقدمة.