شنطة سفر

المشروع ده هو أنيميشن سينمائي معمول على Blender بيعبّر عن فكرة الحرية والتحوّل وروح السفر.

المشهد بيبدأ بساعه بتدق 12:00 كأنها لحظة التغيير — جرس بينبهك إن الوقت جه تتحرك وتسيب الروتين.

مع صوت الجرس، شنطة السفر بتخرج من تحت المكتب وبتبدأ تتحرك، ودي بداية القصة.

بعدها كل الحاجات اللي على المكتب بتبدأ تتحول لحاجات تخص السفر:

الورقة بتتحول لباسبور، الكتاب لمجلة، المجلة لخريطة، وكوباية القهوة لكاميرا.

كل عنصر بيعبّر عن التحوّل من الشغل للحياة، من الروتين للمغامرة.

المكتب كله في النهاية بيتضغط ويدخل جوه الشنطة، كأن كل العالم بيتجمع في حقيبة صغيرة.

بعدها المشهد بينتقل لساحة الانتظار في المطار، الشنطة بتتقفل، الدراع بيتفتح، وبتبدأ تمشي قدام الكاميرا كأنها رايحة لمكان جديد.

وفي النهاية بتظهر الجملة “مفيش حدود” — بتلخص فكرة المشروع كلها.

المشروع بيجمع بين التحريك الرمزي، والستوري تيلينج، والإضاءة السينمائية علشان يحوّل مشهد بسيط إلى تجربة فنية بتتكلم عن الانطلاق والحرية.