مشروع إعداد شبكة لاسلكية باستخدام Packet Tracer
تفاصيل العمل
عن المشروع
المشروع كان إعداد شبكة لاسلكية كاملة باستخدام راوتر لاسلكى ونقطة وصول Access Point علشان أوفر تغطية أكبر وأسمح للأجهزة سواء سلكية أو لاسلكية بالاتصال بالشبكة وكمان أوصلهم بالإنترنت بدأت الفكرة من تكوين بيئة بسيطة جوة Packet Tracer لكن الهدف كان إن السيناريو يبقى واقعى زى اللى بيتعمل فى أى شركة صغيرة أو مكتب
هدف المشروع
الهدف الرئيسى كان إظهار إزاى نقدر نكون شبكة لاسلكية مؤمنة وفعالة تشمل إعداد راوتر لاسلكى وضبط إعدادات DHCP وتوصيل أجهزة مكتبية ولابتوبات بالراوتر عن طريق الكابلات وكمان عن طريق الواى فاى بالإضافة لتوصيل Access Point علشان يقوى التغطية ويغطي مساحة أوسع وكمان تعديل الإعدادات الافتراضية للراوتر زى تغيير باسورد الدخول وتغيير رينج العناوين الداخلية
الأدوات المستخدمة
تم استخدام برنامج Packet Tracer لإنشاء المحاكاة واعتمدت على Wireless Router وأجهزة حاسوب مكتبية ولابتوبات ونقطة وصول Access Point بالإضافة لإعداد DHCP وضبط الأمن على الواى فاى باستخدام WPA2 مع تشفير AES وكلمة مرور قوية
خطوات التنفيذ
ابتديت بتوصيل جهاز إدارى بالراوتر السلكى وضبطت إعداد DHCP علشان ياخد عنوان تلقائى بعد كده دخلت على واجهة الراوتر من المتصفح وعملت إعدادات الإنترنت بعنوان IP ثابت وبعدين ظبطت إعدادات الشبكة اللاسلكية وغيرت اسم الشبكة SSID وخليته aCompany على تردد 2.4 GHz وغيرت القناة للرقم 6 بعد كده فعلت الحماية باستخدام WPA2 وحددت كلمة مرور Cisco123 بعد كده بدأت أوصل اللابتوبات على الشبكة اللاسلكية باستخدام الباسورد وضبطت اتصالها بالإنترنت بعد كده ضفت Access Point وربطته بالراوتر علشان يقوى التغطية وفعلا قدرت أوصل لابتوبات إضافية من خلاله فى النهاية غيرت كلمة مرور الدخول للراوتر من الافتراضى لكلمة مرور جديدة وكمان غيرت رينج DHCP من 192.168.0.0 ل 192.168.50.0 علشان يبقى فى مرونة أكتر
فيدباك العميل
النتيجة كانت شبكة لاسلكية شغالة بكفاءة الأجهزة قدرت توصل بالإنترنت سواء من الراوتر أو من نقطة الوصول وكمان كل الإعدادات الأمنية مظبوطة وده خلى العميل مطمئن إن الشبكة مؤمنة وسهلة الإدارة