XYZ Restaurant Database Design – ERD

نبذة عن العمل:

أنا صممت الـ ERD ده لمطعم XYZ Take-away علشان أوضح الكيانات الأساسية في النظام والعلاقات اللي بينهم. الهدف كان إني أرتب وأبسط البيانات بحيث أقدر بعد كده أحولها لقاعدة بيانات كاملة تدير الفروع، الموظفين، العملاء، والطلبات.

الـ ERD بيشمل:

الفروع (Branch): فيها بيانات زي العنوان ورقم التعريف ورقم الاتصال.

الموظفين (Staff Members): سجل كامل لكل موظف فيه الاسم، السن، العنوان، الوظيفة، تاريخ التعيين، والمرتب.

مندوبين التوصيل (Deliver Boys): ليهم بيانات خاصة زي الاسم، الكود، ورقم الاتصال.

العملاء (Customer): بياناتهم الأساسية زي الاسم، الكود، ورقم الموبايل.

الطلبات (Orders): كل طلب فيه العنوان المطلوب، التاريخ، والمبلغ الكلي.

قائمة الطعام (Menu Items): تشمل الأصناف بالكود، الاسم، الفئة، والسعر.

أما عن العلاقات:

كل فرع بيديره موظف.

كل فرع ممكن يكون فيه أكتر من موظف.

العملاء بيطلبوا طلبات.

كل طلب بيحتوي على أصناف من قائمة الطعام.

في طلبات معينة الموظفين بيشاركوا فيها.

كل فرع بيكون عنده مندوبين توصيل.