تطوير بورتال الموظفين على أودو لخدمة وتطوير نظام الموارد البشرية

تطوير بورتال الموظفين على أودو والحلول اللي وفرناها ليهم. دلوقتي هشاركم باقي المميزات اللي بتخلي الموظف يتحكم في بياناته بكل سهولة من مكان واحد:

رصيد الإجازات

الصورة الأولى بتوضح رصيد الإجازات المتبقي عند الموظف، يعني يقدر يعرف قد إيه فاضل له من الإجازات في أي وقت بدون تعب ولا سؤال.

جميع طلبات الإجازة

الصورة التانية بتعرض كل طلبات الإجازة اللي قدمها الموظف، وحالتها سواء كانت: مقبولة، معلقة، أو مرفوضة. وكمان يقدر يدخل على أي طلب يشوف تفاصيله بشكل كامل.

مرفقات الطلبات

الصورة الثالثة بتوضح عرض أي مرفقات مرتبطة بطلب الإجازة، زي تقارير طبية أو مستندات أخرى.

تفاصيل المرتب

أهم ميزة بقى إن الموظف بقى يقدر يشوف مرتبته وتفاصيلها بالكامل، الأرقام والتفصيلات كلها متاحة له، وده بيخليه متابع ومطّلع على حقوقه بسهولة.

⏰ تقرير الحضور والانصراف

ومن غير ما ننسى، أهم حاجة في يوم الموظف هي الحضور والانصراف، بقى ليه تقرير بيعرض له بيانات الحضور والانصراف لحظياً، عشان يقدر يتابع أداءه ووقته بدقة.

الخلاصة:

الموظف دلوقتي قادر يطلع على كل شيء يخصه من مكان واحد فقط — بورتال الموظفين على أودو.

الإجازات، الرصيد، المرتب، وتقارير الحضور، كلها متاحة بسهولة وبشفافية، وهتوفّر وقت وجهد على الموظف والـ HR مع بعض.