تصميم واجهات مستخدم UX/UI احترافية لتطبيقات الجوال والمواق

تطبيق حجز طبي – تصميم واجهة مستخدم

اشتغلت على تصميم UI لتطبيق دكاترة وحجز مواعيد، الهدف منه يبسط رحلة المريض من أول ما يفتح الأبلكيشن لحد ما يحجز الكشف. ركزت إن التجربة تكون سهلة وسريعة عشان المريض في الغالب بيبقى مستعجل ومش فاضي يضيع وقت في خطوات كتير.

أنا عملت إيه في المشروع:

الأول عملت دراسة بسيطة للـ UX عشان أعرف المشاكل اللي بتواجه المستخدم.

لقيت إن في مشاكل زي: المريض ساعات مش عارف يحدد التخصص، التسجيل بياخد وقت طويل، وكمان مهم يبقى فيه بروفايل عشان يرفع تحاليل وأشعات ويتابع تاريخه المرضي.

بناءً على ده حطيت حلول زي: Guest Mode عشان يحجز من غير تسجيل، Family Mode عشان يحجز لأسرته، وكمان شغل على تبسيط اختيار التخصص.

بعد كده صممت الـ Flow كامل من أول تسجيل الدخول أو الـ Guest لحد البحث عن دكتور، تفاصيله، الحجز، والدفع.

عملت شاشات واضحة بألوان مريحة وخطوط سهلة القراءة، وسلمت Prototype يوضح الرحلة كاملة.

النتيجة: تصميم واجهة بسيطة وعملية تساعد المريض يحجز بسهولة، وفي نفس الوقت تنظّم شغل الدكتور ومواعيده.