الدفعه الأولى لكلية طب بشري الجامعة الأهلية جنوب الوادي

ملوك الأهلية اللي كملوا نص الطريق، وبيحتفلوا بكونهم "Semi Seniors"

فكرة التصميم:

الشكل الأساسي مستوحى من مبنى الجامعة الأهلية المميز، مع القبة اللي تعتبر رمز للمكان اللي بدأوا فيه رحلتهم.

القبة مطلع منها اللوجو الرسمي للجامعه

و كلمه (SVNU) معموله علي شكل تاج فوق القبه يعبر عن انهم "ملوك الأهلية".

South valley national university

البالطو الطبي:

وكأن المبني لابس البالطو ، وعليه تفاصيل زي جيب الطبيب اللي طالع منه العصفورة اللي بتحكي ذكري مهمه جدا ليهم " العصفوره شاهده "

كلمة البالطو يا دكاترة، مش لازم تنسوه بقى!

في النص رقم "1" مصمم على هيئة الملك في الشطرنج، عشان يعبر عن مكانتهم كأول دفعة، ملوك الأهلية بلا منازع.

في الأسفل، علامة رسم القلب (ECG) بتوقف عند 50% مع كلمة "Loading..."، كأنها بتقول إن المشوار لسه مستمر، لكن النص الأول عُدي بنجاح.

رسالة التصميم:

تصميم بسيط وخفيف، زي ما عهدنا دفعة محترمة وراقية زيكم، دفعة صنعت لنفسها مكانة مميزة في الجامعة الأهلية. ربنا يكمل طريقكم بخير وعقبال ما نشوفكم يوم التخرج رافعين اسمكم واسم جامعتكم بفخر.

كل الدعم والاحترام لكم يا ملوك الأهلية!