دفعة 43 - أسنان المنصورة | أكبر دفعة في التاريخ

تصميم مميز مليان تفاصيل بتجسد رحلة 5 سنين من التعب، الضحك، والمواقف اللي مستحيل تنساها.

التصميم على شكل ضرس مكون من الناب (Canine) السن رقم 3 و (First Premolar) السن رقم 4 ، وكل جذر فيه بيحكي جزء من القصة.

الجذر الأول:

• كلمة "SENIOR" مع كاب التخرج، رمز النهاية المنتظرة.

• فيروس كورونا كأنه Periapical cyst، يعبر عن تحديات الجائحة.

• أداة Handpiece (توربين الأسنان).

الجذر الثاني:

• أداة Forceps (الكماشة) تسحب التعب والجهد.

• تقويم الأسنان تحت رقم الدفعه .

• الفلوس:  من كتر المصاريف اللي فوق دماغهم، "دي كلها فلوس ماتريال؟!"

• أداة Mirror & Probe: في شنطه كل أسنانجي.

تفاصيل مميزة:

• "القطنة" و"Temporary"

• 3 أسنان متصلة بتاعت الامضاء ... لحظة "امضيلي يا دكتور!"

قنوات التليجرام:

• MCQ: أهم قناة لأسئلة المذاكرة.

• ريكوردات الكلية: المصدر الأول لكل المحاضرات.

• 43's News: القناة الأهم اللي دايمًا تبدأ المسج بـ "مساء الخير ?".

• بندقتين: تحية لعم بندق، اللي حافظ المنهج أكتر من الطلبة.

• كوبايتين شاي: جملة عم عبده الشهيرة: "انت ابن مين عشان أحطلك كوبايتين؟"

• خريطة فلسطين: دعمًا للقضية.

• كلمة Remake وDismiss: لغايه ما زهقو

• الحقنة: للتخدير.

• كلمة "معطلة": مشاكل الـUnit اللي بتوقف أوقات كتير.

Game Over 2020 - 2025:

رحلة انتهت بس مليانة تفاصيل هتفضل معاكم طول العمر، وتفاصيل التصميم هتبقى ذكرى كل ما تشوفوها على الجاكت.