تصميم واجهة اعمال شخصيه بروتوفوليو UI UX

بصراحة مكنتش حابب الرتابه والروتين في التصميم! بالذات في حاجه بتاعتي، اصل خلاص بقالي كتير بطبق على حاجات موجوده بالفعل، واتعلمت منها و حفظتها، ليه مجربش اطلع بحاجة من خيالي وافكر؟ والبروتوفوليو ده حاجه شخصيه بتظهر شغلي وبتعكس منظوري بشكل عام، ففرصة اعمل حاجه بتاعتي وعلى كيفي.

المهم ... طلعت بالديزاين البسيط ده وقررت أخلّي شكله يعبر شويا عني، فـ استخدمت أسلوب Keith Haring كـ ثيم عام للصفحة.

الرسومات بتاعته عفوية و حيوية ومليانة طاقة وحركة، وكلها حاجات بحس إنها بتشبه شخصيتي الحقيقية بشكل او بآخر.

والاستايل البسيط ده ساعدني أخرج من جو القوالب الجاهزة وأفكر في التصميم كمساحة للعب والتجربة، مش بس كتاكست وصور.

وKeith Haring كان فنان أمريكي ظهر في أوائل التمانينات، اشتهر بأسلوبه الجرافيكي البسيط لكن المعبر جدًا، وكان بيرسم في مترو نيويورك وعلى جدران الشوارع.

دلالات رسوماته كانت بتدور حوالين:

حقوق الإنسان

الحرية

الحب

الطفولة

مقاومة التمييز والسلطة