تصميم واجهة المستخدم تطبيق تجارة ملابس UI UX
تفاصيل العمل
"لما تبقى الفكرة أكبر من مجرد واجب أو تدريب، وتتحول لحل حقيقي… ساعتها بتعرف إنك ماشي بالشكل الصح."
من فترة بدأت أشتغل على مشروع كنت دايمًا حاسس إنه مختلف…
مش علشان متداول أو ممكن يطلع منه شكل حلو! لكن علشان فكرته فيها هدف وقضية مهمة بالنسبالي.
Melon
هو تطبيق بيعتمد على فكرة التجميع الذكي لبراندات الملابس والبائعين الي بيدعمو المقاطعة في مكان واحد، بحيث المستخدم يقدر يتصفح، يفلتر، ويشتري بسهولة من أكتر من متجر موثوق وعنده مبادئ.
Melon
بيحل مشكلة تشتيت المستخدم بين التطبيقات والمواقع المختلفة، وبيوفّر تجربة منظمة ومريحة بتراعي تفاصيل التصميم، وسرعة الوصول، واحتياجات الفئة المستهدفة.
لكن ده مش كل حاجة…
Melon
كمان فيه صفحة خاصة مخصصة بالكامل لدعم المنتجات الفلسطينية (ملابس، أكسسوارات، كوفيات، تطريزات...)، وكمان وفّرنا خاصية التبرع المباشر من داخل التطبيق لدعم القضية.
الخطوات كانت كتير وممتعة، من بحث المستخدم، لتحليل المنافسين، ورسم الـ wireframes ، لحد تصميم واجهات متكاملة بتخدم الهدف بشكل واضح وسلس