مشروع باستخدام بايثون

مؤخرًا اشتغلت على مشروع تحليل بيانات باستخدام Python، والداتا كانت من Instagram Insights لحساب حقيقي.

التجربة علمتني أكتر بكتير من مجرد كتابة كود... كانت مليانة تفكير، مشاكل، محاولات، وأفكار جديدة.

فكرة المشروع:

كنت عايز أفهم بشكل عملي إيه العوامل اللي بتأثر على نجاح البوستات في إنستجرام:

إيه اللي بيزوّد الـ Impressions؟

هل عدد الهاشتاجات ليه تأثير؟

إيه العلاقة بين التفاعل (Likes, Saves) والنمو (Follows)؟

التحديات اللي واجهتني:

1. أسماء الأعمدة فيها مشاكل:

بعض الأعمدة فيها مسافات أو رموز، وكانت بتكسر الكود كل مرة أستدعي فيها العمود. اضطريت أعمل rename أو أعدلها بـ .str.replace().

2. Missing Values (القيم الناقصة):

فيه أعمدة فيها خانات فاضية، ومش كلهم ممكن أملأهم بصفر. فكان لازم أقرر إمتى أسيب القيمة زي ما هي، وإمتى أشيل العمود أو أعمل Fill.

3. Outliers (القيم المتطرفة):

بوست واحد كان رقمه عالي جدًا في المتابعة أو الريتش، وكان بيشوّه كل الرسومات. بدأت أستخدم Boxplot وZ-score عشان أقرر أتعامل معاه إزاي.

4. نوع البيانات (Data Types):

بعض الأعمدة اللي ظاهر إنها أرقام، كانت متخزنة كنصوص! فالكود بيشتغل ظاهريًا لكن النتائج بتطلع غلط. اتعلمت أعمل check دايمًا بـ .dtypes.

5. التشتت بين الأعمدة:

فيه أعمدة كتير جدًا ومش كلها مفيدة. اضطريت أبدأ أفلترهم بناءً على علاقتهم بالهدف التحليلي.

6. الموازنة بين الرسم البياني والتحليل الرقمي:

الرسم بيدي insight بصري، لكن مش دايمًا كافي. فكنت دايمًا أقرنه برقم واضح: correlation, average, top/bottom… إلخ.

الأسئلة اللي اشتغلت عليها:

إيه البوست اللي جاب أعلى عدد Impressions؟

هل فيه علاقة بين عدد الهاشتاجات وعدد الـ Likes أو Reach؟

إيه المصدر اللي بيجيب أعلى Profile Visits؟

هل فيه ارتباط بين عدد الـ Saves وعدد الـ Follows؟

إيه أكتر بوست جاب Profile Visits وفولوز مع بعض؟

......بعض النتائج اللي فاجئتني:

أكتر بوست جاب Impressions مش هو اللي جاب أكتر Follows!

الهاشتاجات بتفيد بس بعد عدد معين مش دايمًا بتزود التفاعل، وأحيانًا بتقلب spam.

الترافيك من Explore جاب أكتر Reach، لكن مش دايمًا أدى لـ Follows.

الـ Saves ممكن تكون مؤشر قوي على نية المتابعة لاحقًا.

️ الأدوات اللي استخدمتها:

pandas لتنظيف وتحليل البيانات.

matplotlib و seaborn للرسم البياني وفهم الاتجاهات.

Jupyter Notebook لتنظيم التحليل وكتابة التعليقات.

? خلاصة التجربة:

التحليل مش مجرد كود… هو طريقة تفكير.

هو إنك تبص للداتا وتحاول "تفهم" ورا الأرقام.

تشوف الأنماط، وتربط العلاقات، وتعرف إمتى الداتا بتضحك عليك!

المشروع ده خلاني أحترم قيمة الأسئلة قبل الأدوات، والصبر قبل النتائج.