تقليل تكلفة الاكتساب لعيادة تجميل بنسبة 47% في أول شهر تشغيل

Case Study 2 - تقليل تكلفة الاكتساب لعيادة تجميل بنسبة 47% في أول شهر تشغيل

العميل كان مركز تجميلي في القاهرة الجديدة، بيشتكي من إن الإعلانات اللي بيشغلها بتجيب استفسارات كتير بس معظمها مش جاد، وكمان تكلفة العميل المؤهل (lead cost) كانت بتوصل 145 جنيه في المتوسط

بدأت بشغل داخلي الأول، راجعت المحتوى المستخدم في الحملة ولاحظت إن مفيش اختلاف في الرسالة بين الخدمات المختلفة، وعرضت على العميل نبني funnel حسب نوع الخدمة ودرجة الوعي عند العميل. اشتغلت على حملات video view لتعريف الناس بالخدمة نفسها، وبعدها عملت retargeting للمشاهدين بإعلانات stronger فيها social proof وعرض حصري

في نفس الوقت، اشتغلت على تنسيق الرسائل مع فريق المبيعات الداخلي علشان نفلتر الاستفسارات قبل ما تضيع وقتهم. عملنا فورم lead فيه سؤالين بيحددوا الجدية، وده خلى الـ follow-up يتحول من 3% closing rate لـ 11% بعد أول شهر

النتيجة كانت تقليل lead cost من 145 جنيه لـ 77 جنيه من أول شهر، وزيادة عدد العملاء المؤهلين بنسبة 80%، والعيادة بدأت تشتغل بنظام واضح بدل ما كانت بتحرق فلوس على استفسارات بدون نتيجة