قصيدة بعنوان ست الستات

امي غير كل الامهات

لا فيها حقد ولا فيها كيد النسا

ولا عندها غيرة زي كل البنات

لا بتعرف القيل ولا القولنا

ولا بعمرها تعالت ولا حملت غيرها منة

وياما كتمت جواتها مشاعر وكلام

وياما وياما خبت وجعها عنا

كنا نقول يما احكي الي في نفسك

تقول نفسي اشوفكم خيرة الأمة

امي غير عن كل الامهات

مش عشان امي هي امي

ولا لانه دمها بيسري في دمي

ولا عشان شوفنا من حنيتها

ولا كل خير عملته في دنيتها

بس كانت غير عن الكل امي

كانت تعطي بدون ما تقول هات

امي كانت ست الستات

ولو في بحر من الوجع كنت عالق

بسفينة دعاها يكون طريقي سالك

ومن نظرة تقرا حالي وتعرف شوعامل

ويما ادبتني لما بكون سافل

ويما عاقبتني عشان غيرنا

وهادي دنيا يما حالنا فيها مال

وبرضاها كانت تنعدل احاولنا

بعمرنا ما نقصنا شي ولا شكينا

كل اشي يحضر منها وبين أيدينا

و يوم عن يوم صحتها في النازل

ونظرها يوم عن يوم بيضعف

ولا حد فيها حاسس ولا عنها شايل

مش لانه ما حدا فيها سائل

ولا العيب فينا احنا

بس هي بطبعها لا بتشكي ولا بتقول

ومخبية عنا وجعها على طول

قولي يما ليش بس اتخبي عنا

بكفي يما تخافي علينا أكثر منا

قولي يما واشكي وريحيلي ضميري

بس انا الي عارفك ممكن تدينا عمرك كله

وتقولي سامحوني يا ولادي على تقصيري

قصيدة خليل مهنا