دراسة حالة: حل مشكلة تقنية منعت ظهور صفحة في جوجل بسبب صفحات الباجنيشن وCanonical Tags

دراسة حالة: حل مشكلة تقنية منعت صفحة مؤرشفة من الظهور في نتائج جوجل

كنت شغال على تحسين ترتيب صفحة معينة في نتائج البحث.

نفذت كل خطوات الـ On-Page SEO بدقة:

• اختيار الكلمة المفتاحية المناسبة

• كتابة محتوى مهيأ لمحركات البحث

• إعداد Meta Title و Meta Description جذابة

• إرسال URL عبر Google Search Console لطلب فهرسة

لكن لما بحثت عن الكلمة المفتاحية اليوم التالي، الصفحة لم تظهر نهائيًا في نتائج البحث!

التحليل المبدئي: رغم إن الصفحة مؤرشفة وجاهزة، إلا إن استبعادها من نتائج البحث كان مؤشر على وجود مشكلة تنافس داخلي (Keyword Cannibalization).

خطوة التحقق: بحثت في جوجل عن الكلمة المفتاحية مضاف إليها اسم الموقع، وكانت المفاجأة:

صفحة الباجنيشن (pagination) كانت هي اللي بتظهر مع الصفحة المستهدفة وبتنافسها وبالتالي جوجل استبعد الصفحتين من الظهور.

المشكلة: راجعـت كود الـ Canonical في صفحة الباجنيشن، ووجدته يشير إلى نفسه بدل ما يشير للصفحة الأساسية.

الحل التقني: عدّلت كود الـ canonical في جميع صفحات الباجنيشن ليشير إلى الصفحة الأساسية المستهدفة.

النتيجة: في اليوم التالي مباشرة، جوجل عرض الصفحة الأساسية في النتائج الأولى عند البحث عن الكلمة المستهدفة

الدروس المستفادة:

• صفحات الباجنيشن قد تسبب Keyword Cannibalization دون قصد.

• Canonical Tags الخاطئة تؤثر بشكل مباشر على ظهور الصفحات في SERPs.

تريكات من قلب الشغل:

• الوقاية خير من العلاج، راجع صفحات الباجنيشن

طالما هي مجرد تكرار لمحتوى أو مش بتقدم قيمة جديدة، ضيف كود

<meta name="robots" content="noindex, follow">

في الهيدر وريح دماغك، ووفّر الـ Crawl Budget لمحتوى يستحق الظهور.

• التعديل السريع على أكواد WordPress؟

أنا شخصيًا بستخدم إضافة اسمها String Locator، بتكتب جزء مميز من الكود وبتطلعلك الصفحة أو الملف اللي فيه الكود، تقدر تعدله أو تحذفه بسهولة.