بيع منتجات اونلاين رجالي ونسائي

صممت تطبيق لبيع منتجات أونلاين مخصص للرجال والنساء، الفكرة كانت إني أوفر تجربة تسوق سهلة وسريعة للمستخدمين يقدروا من خلالها يشوفوا المنتجات حسب النوع أو الفئة أو السعر، ويتصفحوا أقسام مخصصة للرجال وأقسام تانية للنساء، وكل منتج بيظهر بصورة واضحة ووصف دقيق وسعر، مع إمكانية الإضافة للسلة أو حفظ المنتج للمفضلة، كمان المستخدم يقدر يفلتر المنتجات حسب اللون، المقاس، أو السعر، التصميم بيركز على إنه يخلي المستخدم يوصل للي هو عايزه بأقل خطوات وبشكل مريح، واعتمدت على ألوان محايدة تميل للفخامة زي الأبيض والأسود والرمادي مع لمسات من ألوان هادية حسب الفئة المستهدفة، كمان ركزت على إن تجربة الدفع تكون سريعة ومبسطة، وفي شاشة خاصة بتتبع الطلبات وشاشة لحساب المستخدم يقدر من خلالها يعدل بياناته أو يشوف مشترياته، الهدف من المشروع كان إني أقدم متجر إلكتروني شكله عصري وسهل الاستخدام ومناسب لكل الأعمار، واللي يميزه إنه مريح في التنقل وواضح من أول ما تدخل لحد ما تكمل عملية الشراء، استخدمت Figma في التصميم واشتغلت على تنظيم العناصر بحيث تكون مرتبة وتجذب المستخدم بشكل بصري مريح.