تصميم شعار وهوية بصرية للمتحف المصري الكبير (تصميم غير رسمي)

من أجمل اللفتات في تصميم مبنى المتحف ده أن شركة "هينغهان بنغ" اعتمدت في تصميمه على أن تُمثل أشعة الشمس الممتدة من قمم الأهرامات الثلاثة -عند التقائها- كتلة مخروطية، هي المتحف المصري الكبير.

ويمكن من أسباب ده أن المسافة بين الأهرامات والمتحف المصري الكبير 2 كيلو متر بس..

فمكتفهوش باللفتة دي، لكنهم اعتمدوا على الشكل الهرمي أو المثلثات في تفاصيل كتير من المبنى، واللي أبرزها (بوابة المبنى الهرمية)..

عشان كده -ورغم أني كنت رافض فكرة الهرم وشايفها نمطية ومتكررة- إلا أني لقيتها أفضل صورة ممكن أمثل بيها المتحف وهويته، استكمالًا للعملية التصميمية اللي مر بيها المبنى بداية من التخطيط وحتى التنفيذ.