VIRTUAL DOCTOR APP

التطبيق ده أنا صممته وبرمجته باستخدام Android Studio بلغة Kotlin، وفكرته إنه يكون زي دكتور افتراضي بيساعد المستخدم يشخص حالته الصحية بشكل مبدئي من غير ما يروح للدكتور.

المستخدم أول ما يفتح التطبيق بيلاقي واجهة سهلة وبسيطة، بيبدأ يجاوب على مجموعة من الأسئلة الصحية زي هل عندك صداع؟ هل بتعاني من ألم في البطن؟ هل في حرارة أو أعراض تانية؟ الأسئلة دي متقسمة على كذا شاشة عشان تسهّل الاستخدام.

بعد ما المستخدم يخلص الإجابة، التطبيق بيجمع كل الأعراض اللي اختارها، ويعرضله نتيجة مبدئية عن الحالة اللي ممكن يكون بيعاني منها. كمان في شاشة تانية فيها شات ذكي مع مساعد طبي (باستخدام ذكاء صناعي زي شات GPT)، بيسمح للمستخدم يسأل أسئلة أكتر وياخد ردود سريعة.

التطبيق متصمم بشكل منظم وبسيط، ومتوافق مع معظم أجهزة الأندرويد، وبيشتغل بكفاءة من أول إصدار 5.0 فيما فوق.