TechLingo for German courses

TechLingo هو مشروع عملته بنفسي على Figma، فكرته إنه يكون منصة شبيهة بـ Duolingo بس موجهة خصيصًا للسيدات اللي حابين يتعلموا اللغة الألمانية في بيئة مريحة وآمنة.

بدأت الفكرة لما لاحظت إن معظم تطبيقات تعليم اللغات عامة جدًا ومش بتراعي احتياجات شريحة زي السيدات اللي ممكن يكونوا عايزين يتعلموا من البيت، أو في وقت فراغ محدود، وبطريقة مبسطة.

في TechLingo، ركزت على تصميم تجربة استخدام سهلة ومباشرة، مع واجهة فيها لمسة أنثوية بسيطة، واستخدمت ألوان علم ألمانيا كأساس للهوية البصرية علشان تكون مرتبطة بالهدف، بس من غير ما تزعج العين أو تشتت المستخدم.

عملت تصميمات لصفحات زي:

الصفحة الرئيسية

الدروس التفاعلية

لوحة التحكم Dashboard

نظام التسجيل والدخول

صفحة المجتمع

نظام الاشتراكات والدفع

ملف المستخدم

كمان جهزت الـ User Flow بالكامل، ورتبت خطوات المستخدم من أول ما يدخل لحد ما يخلص الدرس أو يشترك في خطة.

الهدف من المشروع مش بس التدريب على تصميم UI، لكن كمان تقديم تجربة ممتعة وسهلة التعلم، وده اللي حاولت أوصله في كل تفصيلة من التصميم.