كثير ناس بتسأل شو الفرق بين:
#نموذج_العمل (Business Model)
#خطة_العمل (Business Plan)
#دراسة_الجدوى (Feasibility Study)
و من أي نموذج لازم ابدأ مين الأفضل فيهم لفكرتي او لمشروعي!!
خليني احكيلكم ملخص بسيط عنهم وشو الفرق بينهم ومن وين لازم تبلش!!!
#نموذج_العمل (Business Model)
هاد اول نموذج لازم تفكر تكتب فيه لفكرتك لما بدك تطلعها من راسك وتكتبها ع ورق لانه هالنموذج بوصفلك كيف مشروعك رح يصنع قيمة و تعمل على انك تحققها و كيف بدك تطلع منها فلوس ..
(وفي من هالنموذج كتاب اسمه إبتكار نموذج العمل التجاري Business Model Generation في منه نسخة عربية بنصحك تقرأه لحتى تعرف كل جزء من أالأجزاء التسعه شو بتطلب منك تكتب فيه لفكرتك – راسلني لحتى ابعثلك رابط الكتاب.
وباستخدامك لعمل نموذج العمل لفكرتك بتكون كتبت فكرتك على ورق.
(واذ واجهتك مشكلة اكتبها بالتعليقات و رح أكون موجود لحتى أساعدك بعمل نموذج عمل لفكرتك او لمشروعك بإستخدام Business Model Canvas).
#دراسة_الجدوى (Feasibility Study)
وهالدراسة الجدوى لمشروعك هدفها تجاوب على سؤالك “هل سينجح المشروع؟” لانه بعد ما تحول فكرتك لمشروع مكتوب على نموذج العمل التجاري رح بتساعدك هالدرسة الجدوى من أنك تتحقق من جدوى البدء في هالمغامرة لتنفيذ المشروع أو لا؟ وبتساعدك لتعرف شو هي المعوقات الي ممكن تواجهك وكيف رح تجنبها أو تحلها؟
#خطة_العمل (Business Plan)
خطة العمل هدفها تجاوب على سؤالك “كيف رح تنفذ المشروع؟”
يعني انك لازم تقوم بعمل دراسة الجدوى قبل كتابة خطة العمل.
وبعد ما تعمل دراسة جدوى وأمورك تكون واضحه بتقدر بعدها تعمل خطة العمل والي بتشمل نموذج العمل وكيف رح تنفذ دراسة الجدوى؟
طبعاً مع تفاصيل اضافية أكثر عن الفريق (team)، ومراحل المشروع (milestones) وتوقعاتك المالية المستقبلية (financial forecasts) للمشروع وهكذا
شو يعني كل هالحكي؟
يعني انه نموذج العمل هي نسخة مختصرة لمشروعك وباستخدامك ل Business Model Canvas رح تتمكن من الوصول لأهم عناصر المشروع وكتابتها بصفحة واحدة فقك، وكتابة فرضياتك (طبعاً بهالنموذج فكرتك رح تكون مجرد فرضيات)
بينما دراسة جدوى المشروع هو يعتبر مثل اختبار لجدوى فكرة المشروع و هون بتتأكد اذا كانت فكرتك صحيحه وممكن تتحقق وتنجح او لا؟
اما خطة العمل بتحتوي على تفصيل أكثر لكيفية تنفيذ المشروع وممكن توصل معك لخمسين صفحة
وهيك بعد ما طلعت بفكرة براسك وكتبتها في كل جزء من أجزاء نموذج العمل (باستخدام Business Model Canvas) رح يساعدك هالنموذج من إنك تتأكد من جدوى فكرتك لحتى توضع بعدها حجر الأساس لخطة العمل.