باسم الحريه…نسينا ربنا!

باسم الحرية… نسينا ربنا

كبرنا وإحنا فاكرين إن الحرية هي إننا نعمل اللي إحنا عايزينه، وإن محدش له دعوة بينا، وإن كل ما نكسر قاعدة أو نرفض نصيحة نكون “أحرار”.

بس الحقيقة إن الحرية اللي ملهاش ضابط، بتقلب فوضى، وإن الإنسان لما يمشي ورا نفسه بس، بينسى إنه مخلوق له هدف، له خالق.

بقينا بنفتخر إننا مختلفين، وإننا مش بنسمع كلام حد… حتى لو كان الكلام ده هو طريق النور.

بقينا نقول “أنا حر” وإحنا بنبعد عن الصلاة، عن الحلال، عن الحياء.

بقينا نغلط ونبرر الغلط، ونزعل من اللي ينصح، ونحارب اللي يذكرنا بربنا.

بس لحظة… لما كنا بنقع، مين اللي كنا بندعي له؟

ولما الدنيا كانت بتضيق بينا، مين الوحيد اللي كان دايمًا سامعنا؟

ربنا… اللي عمره ما قفل بابه، حتى وإحنا نسينه.

الحرية الحقيقية مش إنك تمشي من غير حدود،

الحرية هي إنك تكون عبد للي خلقك، مش عبد لنفسك