تصميم

السلام عليكم أنا كمصمم UI/UX اشتغلت على مشروع تطبيق وصفات طبخ متكامل اسمه "شيفتي". المشروع دا كان تحدي حقيقي لأني كنت عاوز أوصل لتجربة مستخدم ممتعة وسهلة في نفس الوقت.

اشتغلت على الجزء البصري للتطبيق بحيث يبقي جذاب وسهل الاستخدام. استخدمت ألوان دافئة زيتي وأحمر وبرتقالي عشان توحي بجو المطبخ، واختارت خطوط واضحة وسهلة القراءة حتي للكبار في السن. كل أيقونة في التطبيق صممتها بيدي عشان تكون بديهية وتخدم الغرض منها.

الجزء الأهم اللي ركزت عليه هو تجربة المستخدم. عملت مسار كامل للمستخدم من لحظة ما يفتح التطبيق لحد ما يخلص الطبخة. صممت شاشة البحث بطريقة ذكية تقدر تبحث بالمكونات اللي عندك أو حتى بالصوت. وخصيصا شاشة الوصفات عملتها مفصلة بطريقة منظمة، كل خطوة في مكانها مع إمكانية إضافة ملاحظاتك الشخصية.

من الحاجات اللي اشتغلت عليها كمان نظام المؤقتات الذكية والإشعارات اللي بتنبيهك وقت ما يبقى عندك خطوة جديدة في الوصفة. وكمان جزء القيم الغذائية اللي صممته بطريقة جرافيك بسيط عشان أي حد يقدر يفهمه من غير ما يتعب.

الجميل في المشروع دا إنه مش بس واجهات جميلة، لكن حلول عملية لمشاكل حقيقية بتواجه أي حد بيتعلم يطبخ. كل تفصيلة في التطبيق مدروسة، من حجم الأزرار لطريقة عرض المعلومات، عشان التجربة تكون سلسة وممتعة.

استخدمت في الشغل دا برامج متخصصة زي Figma وAdobe Illustrator، وعملت بروتوتايب كامل عشان أتأكد إن كل حاجة بتشتغل زي ما أنا متخيلها قبل ما يوصل للمطورين.

في الآخر، خرجت بتجربة مستخدم متكاملة، تطبيق مش بس شكله حلو، لكن سهل الاستخدام ويحل مشاكل حقيقية لمحبي الطبخ. دا مش مجرد شغل تصميم عادي، دا شغل فيه شغف وتفكير في كل تفصيلة ممكن تخلي حياة المستخدم أسهل.