اجمالي مبيعات ب 23,000 ريال بصرف اعلاني 2,000 ريال لمتجر عود و بخور في رمضان

Spent: 2,068

Sales: 23,079

CPP: 15.78

ROAS:11.16

متجر عود و بخور جالي في نص رمضان و ده طبعا كان متاخر لان المنافسين بيبداو الحملات قبل رمضان عشان يقدروا يحتلوا اكبر حصة من المنافسة في السوق, ده غير ان المنافسة في رمضان اصلا بتكون طاحنة في سوق العود و البخور في موسم زي رمضان.

طبعا اللي ساعدنا ان العميل كان معاه قائمة عملاء سابقين اشتروا مننا قبل كده و كان لازم نستغل ده بافضل طريقة ممكنة عشان نقدر ندخل المنافسة.

بدانا الاول اننا عملنا منتج رابح و المنتج ده عملناه منتج موسمي لان احنا في موسم ف ده كان افضل وقت ليه. و عملنا قسم كامل للمنتجات دي.

في اثناء ما كنا بنجهز المنتجات و الفيديوهات انا كنت في الكواليس بربط البيكسلات للمنصات و بكتب الرسالة الاعلانية اللي هنبعتها للعملاء بتوعنا عن طريق الواتساب.

بعد اختيار المنتجات صورنا فيديوهات عشان اخترت التيكتوك بحكم خبرتي في السوق ده.

بعد ما كل حاجة بقت جاهزة معانا اول حاجة عملتها بدات حملة الواتساب للعملاء اللي اشتروا مننا قبل كده بحيث اخلي البيكسل يتعلم بما انه لسه جديد في الموقع.

بعدها ب يوم بدات حملة التيكتوك و بدات اعمل تيست للفيديوهات و بحكم اننا كنا متاخرين في البدء في الحملات الاعلانية كنت بعمل تيست بطريقة متهورة شوية و ده كان بسبب اننا كنا متاكدين من المنتجات بتاعتنا و عشان نلحق ندحل المنافسة في اسرع وقت.

و طبعا مع تحليل الارقام و تحسين الحملات يوميا قدرنا نحقق الارقام دي و لو كنا بدانا من اول الموسم زي بقيت المنافسين كنا عملنا ضعف الرقم ده.