عيادة الابتسامة المشرقة

الموقع ده أنا اشتغلت عليه كمشروع كامل لعرض عيادة أسنان بطريقة احترافية وبسيطة في نفس الوقت. الهدف الأساسي منه هو تعريف الزوار بخدمات العيادة، وإعطائهم فكرة مريحة وموثوقة عن المكان، وكمان يسهل عليهم يحجزوا موعد بشكل مباشر.

الموقع فيه مجموعة صفحات أساسية وكل واحدة لها دور:

الصفحة الرئيسية:

فيها بانر ترحيبي فيه صورة لطبيب الأسنان على اليسار (عدلتها بحيث تكون أصغر ومكانها مناسب)، وجنبها رسالة جذابة وزر للحجز السريع.

من نحن:

بتشرح باختصار العيادة، رؤيتها، وهدفها، وكمان بتوضح ليه الزائر يثق في خدماتها.

الخدمات:

بعرض فيها كل الخدمات اللي ممكن المريض يحتاجها زي التبييض، الحشوات، التقويم، وغيره، بشكل منظم وواضح.

آراء المرضى:

فيها تقييمات ناس حقيقية اتعاملوا مع العيادة، وحبيت أعرضهم بصيغة بسيطة ومقنعة.

معرض الصور:

قسم خاص بالصور بيبين شكل العيادة من جوه، الأجهزة، الاستقبال... يعني بيخلي الزائر يحس إنه زار المكان قبل ما يروح.

المدونة:

بكتب فيها مقالات ونصائح عن العناية بالأسنان، معلومات عامة مفيدة لأي حد مهتم بصحته.

اتصل بنا / حجز موعد:

دي صفحة فيها نموذج تواصل بسيط فيه الاسم والبريد والرسالة، وفي نفس الصفحة حطيت معلومات التواصل زي رقم التليفون والموقع على الخريطة.

ركزت إن التصميم يكون مريح للعين، واخترت ألوان هادية (زي الأبيض مع الأزرق) تناسب الجو الطبي. استخدمت CSS للتنسيق، وعدلت توزيع العناصر بحيث يكون الشكل مرتب ومتجاوب على كل الشاشات (Responsive).

وكمان أنا عملت المشروع ده كخطوة في تطوير مهاراتي في تصميم واجهات المستخدم، وتنفيذ مواقع حقيقية كاملة. والحمد لله الموقع بقى شكله مرتب ويعبر فعلًا عن فكرة العيادة بطريقة واضحة وسهلة لأي زائر.