قصة : الخنفساء المنبوذة

وصف كتابي عن الخنفساء المنبوذة

في المشروع ده، اشتغلت على كتاب أطفال بيحكي قصة خنفساء منبوذة، واتبعته خطوات رسم كتب الأطفال بطريقة احترافية، وده كان جزء من ورشة متخصصة اتعلمت فيها أساسيات التكوين ورسم المشاهد.

مراحل الشغل:

التخطيط والرسم الأولي

بدأت برسم ثامنيلز (Thumbnails) علشان أحدد المشاهد والتكوين، وبعدها رسمت منظور (Perspective Sketches) لكل صفحة علشان أضبط العمق والحركة.

القيم اللونية (Values)

قبل التلوين، اشتغلت على توزيع الإضاءة والظلال بالرمادي عشان أضمن تباين واضح بين العناصر المهمة في القصة.

التلوين في Procreate

استخدمت فرشاة 6B للاسكيتش وفرشاة Inking للخطوط النهائية، واشتغلت في طبقات مختلفة لضبط الألوان والإضاءة بشكل احترافي.

وضع المزج (Linear Burn)

استعملت Linear Burn في التلوين علشان أطلع ألوان غنية ومتناسقة، خاصة في الظلال والإضاءة.

التفاصيل النهائية (Rendering)

آخر خطوة كانت إضافة الملمس، والتباين، واللمسات الأخيرة عشان تكون كل صفحة واضحة وجذابة للأطفال.

إيه اللي استفدته؟

اتعلمت أساسيات التكوين، وضبط الإضاءة، والتلوين الرقمي، وتسلسل المشاهد بطريقة تخلّي القصة جذابة وسهلة الفهم للأطفال. كانت تجربة ممتعة طوّرت مهاراتي جدًا في رسم كتب الأطفال!