هات بطاقتك

"هات بطاقتك"

OCR مصري 100% نظام بيوظف تقنيات الذكاء الاصطناعي علشان يسهل عملية قراءة واستخراج البيانات من بطاقات الرقم القومي , استخدمت YOLO library و Optical character recognition علشان أقدر أطلع البيانات المهمة زي الاسم، العنوان، رقم البطاقة، وغيرهم

النظام بيشتغل إنه بيعالج الصورة الأول ويصححها لو فيها أي انحراف، بعد كده بيحدد الأماكن اللي فيها النصوص المهمة وبعدين يستخرجها ويحولها لنص مكتوب. كمان قدرت أضيف خاصية للتعرف على الرقم القومي وفك شفرته علشان نعرف معلومات زي تاريخ الميلاد، المحافظة، ونوع الشخص

و استخدمنا 3 موديلز : موديل بيتعرف علي شكل البطاقة و موديل بيتعرف علي الرقم القومي و موديل بيتعرف علي الاشياء الي جوا البطاقة زي الصورة و و و الخ

اللي يميز المشروع ده إنه ممكن يتطبق في مجالات كتير زي :

1) تسريع العمليات: النظام بيساعد في تسريع عملية استخراج البيانات من بطاقات الرقم القومي بشكل كبير، بدل ما الموضوع ياخد وقت طويل لما يتعمل يدوي

2) تقليل الأخطاء البشرية: الاعتماد على الذكاء الاصطناعي في استخراج البيانات بيقلل بشكل كبير من الأخطاء اللي ممكن تحصل بسبب التعب أو التسرع في العمل اليدوي

3) توفير الجهد والتكلفة: بدل ما تحتاج توظف ناس كتير علشان يدخلوا البيانات، النظام ده بيقدر يعملها بشكل آلي وسريع، وده بيوفر فلوس ووقت

4) تكامل سهل مع الأنظمة الحالية: النظام ممكن يتكامل بسهولة مع الأنظمة الحالية اللي بتستخدم في المؤسسات زي البنوك، شركات التأمين، أو أي مكان بيعتمد على إدخال بيانات العملاء

5) مرونة في الاستخدام: المشروع ممكن يتعدل بسهولة علشان يشتغل مع أنواع مختلفة من المستندات، مش بس بطاقات الرقم القومي، زي جوازات السفر أو رخص القيادة

6) تحسين خدمة العملاء: لما البيانات بتتسجل بسرعة وبدقة، ده بيساعد في تحسين خدمة العملاء، وبيقلل وقت الانتظار في المؤسسات اللي بتتعامل مع الجمهور