حصاد.... بلا زرع!!!
تفاصيل العمل
"هل عمرك تخيلت تزرع أرض من غير ما تحط فيها بذرة، وبعدين تقف مستني الحصاد؟
مستحيل، صح؟
بس للأسف، ده بالظبط اللي بعض الأهالي بيعملوه مع ولادهم.
واقف مستنيهم يشيلولهم لما يكبروا، من غير ما يكونوا زرعوت فيهم حب، ولا حضن، ولا أمان.
بس تعالي معايا فلاش باك لورا، هنلاقي نفس الأهالي دي كانوا مستخسرين حتى حضن بسيط في حق عيالهم.
شايفينهم مجرد ملكية خاصة:
"أنا بصرف عليك، أنا بدفع لك فلوس، يبقى أنا كده تمام."
لكن هو الفلوس كل حاجة؟
فين الحب؟
فين الحضن؟
فين الإحساس بالأمان؟
فين المشاعر اللي كان لازم توصلها لطفلك؟
للأسف، كتير من الأهل ما بيحسوش بغلطهم وقتها.
لكن لما الزمن يدور، والعيال تكبر، والأهل يعجزوا،
ساعتها بس بيبدأوا يحسوا.
بيحتاجوا ظهر... سند... حب...
عايزين يحسوا إنهم لو وقعوا، في حد هيشيلهم.
ولو ما لقوش ده، يعرفوا إنهم بيحصدوا اللي زرعوه.
أو بالأدق... اللي ما زرعهوش.
ساعتها بس، هيعرفوا إنهم بيسددوا ديون متأخرة.
بس ممكن الكلام ده يوصل لك وانت لسه قدامك وقت تزرع.
وصدقني... اللي بيزرع حب، عمره ما بيندم."