اتعلم تكون سوبر مان

"أول ما بدأت المشاكل عندنا في البيت، كان في شخص معين في العيلة كنت شايفاه سوبر مان، اللي عمره ما هيسيب الأمور توصل لحاجة وحشة. هيحل دايمًا كل حاجة، هو في إيده يحل، يبقى ليه ما يحلش؟

فجأة لقيت رد فعل مختلف تماماً. هو ما حلش حاجة، بالعكس، ده زود الأمور سوءًا.

وساعتها أدركت إن ما فيش سوبر مان في الحقيقة. دي مجرد أسطورة! ما حدش بيشيل شيله، مش شيلته. ما حدش بيتدخل في أمور مش أموره.

على قد ما أنا مش قادرة أنسى مشاعري وقتها، على قد ما أنا اتعلمت درس مهم أوي ماشيه بيه لحد دلوقتي. كانت المشاكل، مهما كان السبب فيها، لازم أنا بس اللي أحلها. ما أعتمدش على حد، لأن ما حدش هيهتم أو يعالج غيري. أنا الوحيد اللي في إيدي أصلح.

حتى لو اللي اتكسر ده مش أنا السبب فيه، فهي برده، للأسف، مشكلتي.

اللي بحاول أوصله إنك ما تعتمدش على حد في حل مشاكلك. إيدك أنت اللي هتحل. أنا عارفة إن دي أكتر حقيقة متعبة وصادمة في الدنيا، بس للأسف، مشاكلك هتفضل مشاكلك أنت بس."