تنميه مهارات

هو أحنا ليه بندرب الأطفال علي مهارات زي اللضم والبازل والكونكت والمتاهات والمكعبات والفك والتركيب وغيرها من الألعاب ؟

الحقيقه هي مش مجرد العاب هي وسائل ؟ بتفيد في ؟

- زيادة مدة الانتباه والتركيز ( بدوره الأساس في عملية التعلم )

- زيادة التأزر البصري الحركي ( بدوره هيخلي طفلك يقدر المسافات ولما يمد إيده ياخد حاجه مش هيمدها أقل او أزيد من اللازم ويوقع الحاجه او مش يطولها رغم قربه منها)

- تقوية العضلات الدقيقه (بدورها بناء قوة عضليه للوظائف زي مسك المعلقه وربط الحذاء والكتابه .....الخ

- زيادة الأداء البصري بشكل عام ( الأنسان بيكتسب 75 % من مهارات من خلال البصر )

- تقليل الإندفاعية ( بدوره هتخلي أبنك صبور وهادي )

وغيرها من الأهداف المهمه

ولكن مش بس كده في الحقيقه ليها هدف تاني أكبر وهو زيادة الواصلات العصبية (synapses ) ال وظفيتها بناء العقل وزيادة قدراته ومهارات بالبلدي كده بتسقي مخك علشان يكبر ويستوعب

كان في شعار في الجيش مهم اوي ( التدريب بالميدان يوفر الدماء بالحرب )

وانا هقولك ( أنشطة الأنتباه والتركيز في الجلسه هتسهل علي أبنك أكتساب المعلومات في البيئة )

- بتخلي مخك طفلك مستعد

- بتخلي مخ طفلك نشط

- بتخلي مخ طفلك قادر علي التخطيط

- بتخلي مخ طفلك قادر علي حل المشكلات

- بتخلي مخ طفلك يستقبل معلومات أكثر

- بتخلي مخ طفلك ينمو

المقصود بالمخ هو المكون المادي للعقل

للتوضيح

أبني هيفضل طول عمره يلضم خرز؟

لا طبعا كل مرحله او درجة إنتباه ليها الأنشطه المناسبه ليها وملهاش علاقة بالعمر

تعالوا نفترض ان الانتباه ده وعاء فاضي في المخ ( الأنشطه البسيطه هتملاه 10% وكل ما بنزود في حجم وصعوبه وسرعة النشاط كل ما بنملي الوعاء )

هو أنه لازم أستخدم الخرز في اللضم ؟

أي وسيلة حتي لو هتلضم مكرونه في حبل المهم الهدف هو زيادة الإنتباه والواصلات العصبية وتبقي عارف أمتي تزود وتصعب الوسيلة

لية المركز بيشتري الأدوات دي ومش بيستخدم مكرونه وحاجات عاديه ؟

الألعاب دي تم تصميمها بألوان وخصائص تخدم الطفل بشكل مباشر وتحفزه اكثر علي تنفيذ المهمه وتجعل من النشاط وسيله للمرح واللعب ( بندس السم في العسل ) علشان الطفل يشتغل

هو أحنا هنكتفي بأنشطة الانتباه والتركيز فقط ؟

لا طبعا مفيش عقل ولا منطق بيقول كده انت بتعامل الطفل ككل لازم تشتغل علي كل الجوانب ولازم تنتقل بالمهارات والأنشطه