تحقيق ROAS اربع اضعاف في خلال اول شهر من اطلاق البراند ‼️

كيف حققت ROAS اربع أضعاف في أول شهر لبراند بدأ من الصفر ‼️

البداية:

كان العميل ده معتمد على أمازون كمصدر رئيسي لمبيعاته لما تواصل معايا، وضح إنه محتاج استراتيجية مش بس لزيادة المبيعات، لكن لبناء براند قوي يضمن استمرارية النجاح. الخطوة الأولى كانت إني درست كل الأرقام اللي جابها من أمازون وعملت عليها تحليل مفصل. بناءً على ده، جهزت فوركاست واضح بيحدد التوقعات الواقعية للأداء على فيسبوك.

الخطوة اللي فرقت ⬇️

ما وقفتش عند التحليل! بدأت أبحث في السوق والمنافسين بشكل عميق علشان أطلع بأفكار غير تقليدية تميز البراند ده. الخطوة دي خلتني أجهز خطة إعلانية محكمة واستراتيجية تسويقية ما بتستهدفش البيع بس، لكن كمان خلق انطباع قوي عن البراند عند العملاء المحتملين.

استراتيجية Alex Hermozi ⭐

◼️ حددت تكلفة لكل طلبية (CPA) تكون مناسبة، لكن ركزت أشتغل على تقليلها من خلال تحسين الحملات أول بأول.

◼️ اشتغلت علي باندلز مميزة تجمع منتجات بأسعار مغرية، والنتيجة؟ العملاء حسوا إنهم بيكسبوا أكتر، وأنا قدرت أزود متوسط قيمة الطلب (AOV) وأرفع هامش الربح.

◼️ استخدمت تصاميم احترافية ونصوص إعلانية (Copy) جذابة ومقنعة بتتكلم بلغة الجمهور المستهدف.

و في خلال شهر واحد بس ⌛

◼️ وصلت لنتيجة ROAS = 4.1، يعني العميل بيكسب 4.1 أضعاف كل جنيه بيصرفه!

◼️ قدرت أحقق مبيعات بأقل من التكلفة المتوقعة لكل طلبية، مما زود الربح بشكل مباشر.

◼️ بدأت في وضع أساس قوي لبناء براند يقدر ينافس بقوة في السوق.

النجاح مش مجرد أرقام، النجاح هو إنك تبني خطة متكاملة تفكر في كل تفاصيلها: من تحليل البيانات، لتحديد الاستراتيجيات، لابتكار عروض تقنع العملاء وتزيد أرباحك. وده اللي أقدر أساعد عملائي بيه