من 0 Leads و حملات اعلانية فاشلة الي اول 260 Lead خلال شهر واحد فقط ⌛

لما جالي العميل ده، كان عنده إحباط شديد. لأنه جرب مع ميديا بايرز من الهند وباكستان والفلبين، وصرف فلوس بدون ما يحصل على أي نتيجة تُذكر – ولا حتى Lead واحد ‼️

(الاتنين اللي في الاسكرين دول تست هو كان عامله من كتر الاحباط)

⬅️ البداية

أول ما استلمت الحساب بتاعه، قررت أبدأ من الأول خالص، لأن المشكلة كانت أعمق من مجرد إعلانات:

⭐تحليل المشكلة: قعدت أدرس الحملات اللي اشتغل عليها قبل كده، ووضحت الأخطاء اللي كانت بتحصل، سواء في الاستهداف، أو في الإعلانات نفسها، أو حتى في تجربة المستخدم على صفحة الهبوط.

⭐ريبراندينج شامل: حسيت إن البراند بتاعه محتاج تجديد عشان يبان بشكل احترافي ويجذب التارجت أودينس. ركزت على بناء هوية جديدة تكون قوية ومختلفة.

⭐تحليل المنافسين والسوق: درست المنافسين في السوق الكندي كويس جدًا، وحللت نقاط قوتهم وضعفهم، وده ساعدني أكتشف فرص جديدة ممكن نستغلها.

⬅️ وضع الاستراتيجية

ما كانتش الفكرة بس إني أشغل إعلانات وأتابع الأرقام. أنا جهزت استراتيجية شاملة تغطي كل حاجة، من الأونلاين للأوفلاين:

⭐تحديد مصادر الترافيك: درست كل الطرق اللي ممكن توصل التارجت أودينس بتاعنا بشكل مباشر وفعال.

⭐إعادة بناء الإعلانات: الحملات القديمة كانت شغالة بشكل عشوائي. جهزت هيكل واضح ومُقسم لحملات تستهدف مراحل مختلفة من رحلة العميل (Awareness, Consideration, Conversion).

⭐تصميم صفحة هبوط جديدة: صفحة الهبوط كانت كارثية. ركزت على تصميم تجربة مستخدم سهلة ومقنعة، مع نصوص تسويقية تستهدف رفع معدل التحويل.

⬅️التنفيذ

◼️ اشتغلت على إنشاء تصاميم و فيديوهات جذابة، بحيث تكون مقنعة و مفيدة و موجهة للعملاء المحتملين.

◼️ عملت فوركاستينج بأرقام البيزنس الحالي عشان اعرف احدد الخطة الشهرية اللي هانكون عندها بنحقق الربح المطلوب

◼️ ركزت على تحليل الأداء بشكل يومي، مع تعديلات مستمرة لتحسين النتائج خطوة بخطوة.

⬅️النتائج

بعد شهر واحد فقط من اطلاق الحملات

◼️Spent : 1285$

◼️Leads: 258

◼️CPL: 4.9$

⬅️الملخص

الحملات الناجحة مش بس في صرف فلوس كتير، لكن في فهم عميق للسوق والجمهور، وفي استراتيجية محكمة بتغطي كل التفاصيل، من الإعلانات لصفحة الهبوط. النجاح ممكن يتحقق، بس محتاج حد يفهم التفاصيل الصغيرة اللي بتصنع الفرق الكبير.

لو عندك حملات مش بتجيب نتيجة، خليني أساعدك تحول الوضع 180 درجة.