يوميات سنية استنلس وعبده سبرتاية
تفاصيل العمل
يوميات سنية استنلس وعبدو سبرتاية1
سنية :عبدو عبدو عبدو قوم يا جدع النهار طلع
عبده :اصطبحنا اوووف
سنية:يا شيخ قوم قول يا فتاح يا عليم يارزاق يا كريم خلى رينا يفتحها ف وشك
عبده :اتعميتى يا سنية ماهى مفتوحة ف وشى من زمان ومطيرة حتة من فردة مناخيري الشمال
سنية:أيه دى يا عبدو اللى اتفتحت ف وشك
عبده :مطوة الولا رزق الحلاق . . يااااااه كانت ايام ما يعلم بيها الا ربنا
سنية: طب يالا عشان تنزل تجيب الفطار
عبده :الاه الاااااه فيه ايه يا وليه ع الصبح ما انتى بتبعتى المحروس ابنك يجيب الفطار الصبح
سنية :معلش يا عبدو اصل الواد شكله غرقان ف النوم اوي وصعب عليا مرضيتش اصحيه
عبده :لا وانتى بتحسي اوي ..ومفيش مدارس خد الاجازة مع نفسه . لا بيذاكر ولا له اي لا لازمه
سنية؛ لا يا عبدو متقولش على صبحى كده ..ده الحيلة ع تلات بنات
عبده: طب يا ام الحيلة . انا نازل افتح القهوة وهجيب فطار وهخلى الولا سيد يجيبلك طلباتك
سنية:بسرعة عشان رايحة للست توحيدة هنفضلها الشقة
عبده :حاضر يا ختي
سنية:. يحضرلك الخير يا ابو فهد
عبده:.انتي بتشمى حاجة يا سنية
سنية:.هههه ينيلك يا عبدو …
عبده:.اومال فهد ايه قصدك فحل بقا .. ماهو صراحة عمالة تعلفى ف الولا صبحى لما بقا زي العجل .خفي شوية
سنية :.لا ماهو انا حامل
عبده :يخرب بيت اهلك يا وليه
سنية:.انت زعلت ؟
عبده:.احنا لاقيين ناكل يا مهفوفة
سنية:اهو اللى حصل بقا .. يالا انزل بقا عشان اشوف شغلى
يالا يابت منك ليها خلصوا عشان اتأخرتو ع المدرسة
منى: حاضر يا ماما بس فين فردة الشراب التانية
سنية:اه يا حبيبتى معلش ابوكى مستلفها . مش مهم شراب النهارده
مايسة: ماما عوزة ساندوتشات زيادة ف المدرسة عشان اصحابي
سنية:بس يا بت سيبك منهم ،اهاليهم تاكلهم هو انا ناقصة
سنية :مديحة اصحى وساعدينى شوية .
يالا يا مديحة جهزي اخواتك عشان انا شوية وهنزل للست توحيدة
مديحة: هو مغيش غير مديحة ياربتنى ما سبت التعليم وقعدت ف البيت ..ايه الهم ده
(الباب بيخبط)
سنية: شكرا يا واد يا سيد ع الفطار اقفل الباب وراك
يالا يا بنات خدوا فطاركوا وع المدرسة .. وانتى يا مديحة روقى البيت انا ساعتين وراجعة
ورتبى اوضة صبحى من غير ماتصحيه يا حبة عينى سهران يذاكر مع اصحابة .
مديحة :ايه ده يا ماما فيه جواب فى كيس ساندوتشات الفطار اللى بابا باعتها
سنية:جواب …
مديحة .اتا هفتح اشوفه
سنيه:عيب يا بنت ..هاتيه وروحى اعملى اللى قلتلك عليه. .
مديحة:إيه داابقا ده حرام عليكو
سنيه: جواب ايه ده ….هقراه واقفله تانى .
{حبيبتى امانى وحشانى …يارب تكونى كويسة انا قربت اخلص اللى اتفقنا عليه وبكره تروق وتحلى}
سنية:بقا كده ،عبده بيخني ابن المبقعة
ماشى يا عبده ….هتصل بيه ابهدل اهله بس لا لا مش هعرفه انى عرفت حاجة .
عبدو : ولا يا سيد ناولنى الموبيل اما اشوف مين ع الصبح
سنية:الو ايوه يا عبده مسبتش فلوس الصبح ليه مش فيه بيت ومصاريف وعيال
عبدو:إيه يا سنيه ماهو لسه نص الشهر هجيبلك منين وبعدين وفري بقا شوية انتى وعيالك مش لازم يشتروا حلويات كل يوم وبعدين قبل ما انزل الصبح كل نور البيت منور محدش فكر يطفي الانوار الزيادة والفاتورة تيجى كبيرة ورايحة تحملى ولا كنتي بتهزري بقا مش عارفلك
سنية: خلصت كلامك ….ايش حال ما انا بشتغل واصرف انا كمان كنت عملت فينا ايه …وخلاص انا حامل ومش هينفع اشتغل تانى
عبدو: مالك يا سنيه ع الصبح …روحي شوفى اللى وراكى عشان عندي زباين
مديحة:بتعيطي ليه يا ماما …
سنية: خلاص هان عليه ابن نبويه سرنجة وعوض العلاف يتهبب يجوز عليا …ومعاه فلوس للجواز وممعهوش لبيته وعياله بوفرله من سنين واخرتها هيتجوز …ماشى يا عبدو.
مديحة :ماما . انتى بتكلمي نفسك ؟
سنية انا هروح اخلص شغلى عند الست توحيدة وراجعة ع طول
توحيدة: مالك يا سنيه
سنية: ابدا تعبانة شوية وطلبات العيال كتيرة
توحيدة: معلش يا سنيه كلنا ف نفس الحوسة دي .بس بالحق نفسى اسألك من زمان ليه بيقولولك سنيه استانلس
سنية: يااااه، دى حكاية تضحك، مرة كنت بشتغل عند واحدة وعاملين عزومة وفجأة لقيت لامؤاخذة جوزها دخل فجاة من غير ما احس بيه اتخضيت جامد افتكرته حرامي لقيتنى ملبساه حلة ستانلس ف دماغه وبصرخ ،جت المدام سابتها من دماع الراجل المحشورة ف الحلة وماشية تقول سنية ضربت جوزي بالاستنلس سنية ضربته بالاستنلس ،تصوت ف التليفون وتقول سنيه ضربته بالاستنلس ودماغ جوزها تقريبا لسه محشورة ف الحلة لحد النهارده وسمونى سنية استنلس بعدها .على فكرة يا مدام جوزي برضو كل الناس بتقولو عبدو سبرتاية .
توحيدة:ليه ضرب حد بالسبرتاية
سنية: هههه،لا بس عشان عمل مشروع قهوة بدءة بسبرتاية يعمل القهوة عليها
سنية:ممكن اسال حضرتك سؤال؟
توحيد ة:اتفضلى يا استنلس ههههه
س.جوزي حاسة انه بيعرف واحدة تانية. اعمل ايه ؟اواجهه ولا اراقبه ولا اقتله ولا انتحر ولا اسيب البيت احترت واحتار دليلي
توحيدة : متأكدة ولا شاكة بس
سنية: لا يا مدام ده كاتبلها جواب غرامى
توحيدة: وهو عبيط يعنى عشان يعمل كده ،عنده عيال وبيت هيفتح على نفسه باب مصاريف تاني؟
خلاض احنا لازم نحرص وخلاص ..ابدئى تغيري من نفسك شوية هاتى حاجة تلبيسيها تفكريه بايام زمان
ومثلا غيري لون شعري ..اتكلمى بدلع شوية . كده يعنى . حركات ستات
سنية:. يا مدام هو انا فايقة للكلام ده ما كفاية عليا شغل البيت وبره البيت
توحيدة:جوزك شغلك برضو واهتمى بيه يهتم بيكى
سنية: لا بهتم بيه بيسوء فيها وحياتك
توحيدة:. طب يالا بقا اعملى الل قلتلك عليه .وخدي الفلوس دي مخصوص للحاجات بتاعتك عشان تبقى عروسة النهارده
س.ههههههه عروسة .شالله يخليكى يا مدام ..ده انا ولادي بقوا طولى هههههههه
ماشى يا مداام ..سلام اجيلك الاسبوع الجاي
ماشي يا عبده انا هجننك …توك توك توك توك استنى ..سلام عليكم هنزل عند الجامع اللى اخر الشارع يابني
شكرا يا بنى خد حسايك
حلو المحل ده . ادخل انقى جلابيه كدة دلوعة
سلام عليكم عوزة جلاليب مقاسي
البائع :اتفضلى يا حاجة ، المقاسات الكبيرة فوق
حااااجة ايه ومقاسات كبيرة ايه ؟انا هاخد من دوول .البائع:.يا ست دي مقاسات صغيرة .
سنية:صوغيررررة .. !!!!
نزلى الحمرا دي لما اقيسها
البائع:.حاضر ..
سنية:. فين البروفة؟ اه اهي
.يالهوي دى مش داخلة فيا خالص .بس هلبسها بلعافية برضو اهه اهو كده . يا خراشى دي اتفتأت من الجنب ..لا بلاش منها ..ايههع ده انا مش عارفة اقلعها اتحشرت ف دراعى ..يا لهوي هعمل ايه ده انا هطلع منها ازاي ومفيش غير الولا البياع مش هعرف اطلب مساعدة .. لا مبدهاش بقا انا هشد جامد .. .اي اهاه ياخراشى ..
البياع: ايه يا ست فيه حاجة اي الدريكة دي
ش.لا مفيش يا بنى اصل الجلابية واسعة اتكبلعت فيها وانا بقيسها
سنية:بقولك يا بنى هو ذوقها مش عاجينى ولونها مش مناسب لبشرتي .بس هاخد واحدة مقاس 6xلارج لعمتى اسلها مليانة شوية .
البائع:. هى تفصل احسن مقاسها مش هتلاقيه ف السوق …ده مقاس حضرتك بنلاقيه بالعافيه .
سنية:ماتسكت شويه يا بنى انت ايه بالع سلك عريان بيكهربك كل شوية تقوم قايل كلام يقرف .
خلاص هاخد دي
ياااه كان يوم طويل واهبل النهارده
مديحة :ايه يا ماما اتأخرتى ليه ؟
سنية.مفيش حاجة …اخوكى صبحى صحى وفطر؟؟
مديحة: ونزل كمان
سنية:. هروح اخلص الغدا ع ما ابوكى يجي .. يوه ده انا نسيت اعمل شعري …خلاص هعملة بميه الاوكسجين زي جارتى سوسن .
بقولك يا مديحة حطى اللحمة ع النار على ما خلص شغلانة كده
(بعد شوية)
مديحة :نعيما يا ماما انتي استحميتى ..
سنية:.شكرا ياروح الروح …انا داخلة اوضتى اسرح وجيالك ..
هى المرايا اللى باظت ولا انا نظري ضعف ولا فيه ايه
يا لهوى شعري لون المقشة الرز بتاعت زمان لا وكمان شبه المقشه نفسها، يالهوي ده انا هسرع عبده
طب هكمل لبس واشوف كده …
سنية: معقول ..ايه جمالى ده ..ربنا يستر
انا سمعه صوت عبده حبيب قلبى لؤلؤه عمري برنيطة شخاليلي
عبده :فين امكوا يا عيال
سنية: ايوه يا عبدو
عبده :.مفيش حاجة ..لو كنتى بتعملى حاجة خلصيها …انتى كنتى بتفضى الشقة ؟
سنية: لا انا كنت مستية جوزي حبيبى
عبده: طب استنيه يا ختي ولما يجي ابقى سلميلى عليه
سنية:. يا عبده دمك بجد حاااااجة يعنى ما شاء الله ربنا يعني يحررر …. يحررررق عدوك .
سنية: تعالى يا بودي حبي
ع ايييه يا مه مالك كده هو الحمل هبلك خلاص …المهم يعني انا جايلى ضيف مهم بالليل .وضبى الشقة واعملى عشا
سنية: طيييب يا عبده …خد هنا هات قلوس يا حليتها ولا انا خدامة اهاليكو ف البيت ده ..ماشى يا عبده روح اشبع بيها واللى خدته القرعة تخده ام الزفت
مديحة تضحك :.ماما انتى كنتى قاصدة تضحكي بابا ولا تعملي اسكتش كوميدي بالمنظر ده .
سنية: ليه يا بت
مديحة: .دي جلابية شكوكو وشعر الساحرة الشريرة ومكياج بتوع السيرك .هههععههع
سنية. هو انتو ورايا وهعمل حاجة عدلة ..طلاقى على ايديكو يا جزم ،افتحى لاخوكى يا ختى
فتحى: .. الحقى يا ماما واحدة زي القشطة صاروخ ملبن عوزاكى كانت بتخبط وانا داخل وعوزاكى . ينفع اشوف انا هي عوزة ايه
سنية:. بس يا واد ….ايوه يا حبيبتى اي خدمة
الجارة:انا جارتكو الجديدة ساكنة فوقيكو ..ممكن تلمى الغسيل عشان هنشر حاجات بتنقط
سنية: من عينيا ،ده العمارة والشارع نورو
صبحى:. اطلع انشرلك الغسيل يا مدام
.الجارة:.هههه. انسه انسه أمانى جارتكو الجديدة
سنية. بتقولي اسمك امانى …..يا اهلا يا اهلا . سنتك سودا يا عبده .
بطاقة العمل
| اسم المستقل | Nermeen O. |
| عدد الإعجابات | 0 |
| عدد المشاهدات | 438 |
| تاريخ الإضافة |