حبيت أشارككم قصة نجاحي الأخيرة في مشروع الـSEO! خلال الثلاث شهور اللي فاتوا، اشتغلت علي شركة مقاولات في السعودية، وده ملخص للي حققتوا

النتائج المحققة في 3 شهور:

النقرات: زادت من 309 إلى 1.12k

مرات الظهور على جوجل: ارتفعت من 20.4k إلى 64k

طب إزاي حققت الأرقام دي؟ ده ملخص للاستراتيجية اللي مشيت عليها:

تحليل المنافسين:

بدأت بتحليل عميق للمنافسين. ولقيت إن قليل منهم مهتمين بمواقعهم الإلكترونية، وده كان فرصة ذهبية إننا نسيطر على الساحة الرقمية.

كلمات مفتاحية عالية البحث:

حددت واستهدفت كلمات مفتاحية عليها نسب بحث عالية ومرتبطة بصناعة المقاولات. الأساس ده كان مهم لجذب الزيارات.

تحسين محتوى الصفحات:

ركزت على تحسين محتوى الصفحات الرئيسية. من خلال التأكد إن المحتوى غني بالكلمات المفتاحية وكمان قيم وجذاب، قدرت احسن تجربة المستخدم وترتيبنا في محركات البحث.

خطة الباك لينك:

طورت خطة قوية للباك لينك عشان اعزز من مصداقية الموقع. ده شمل التواصل مع مواقع ذات صلة بالصناعة وإنشاء محتوى قابل للمشاركة يجذب الروابط الخلفية بشكل طبيعي.

المتابعة والتعديل المستمر:

الـSEO مش حاجة بنعملها مرة ونسيبها. كنت بتابع أداء الموقع باستمرار وبعمل تعديلات لما تكون محتاجة عشان نضمن النمو المستمر.

أنا فخورة بالنتائج ومتحمسه إني أشارك خبرتي في تحديات جديدة. لو مهتم تعرف أكتر عن شغلي أو عندك مشروع في بالك، ياريت نتواصل!