النتائج المحققة في 6 شهور في تحسين محركات البحث لموقع خدمي

النقرات: زادت من 1 إلى 8.19k

مرات الظهور على جوجل: ارتفعت من 5 إلى 201k

طب إزاي حققت الأرقام دي؟ ده ملخص للاستراتيجية اللي مشيت عليها:

تحليل المنافسين:

بدأت بتحليل عميق للمنافسين، ولقيت إن في كلمات مفتاحية عليها نسب بحث عالية ممكن تجذب المزيد من الزوار للموقع.

كلمات مفتاحية عالية البحث:

حددت واستهدفت الكلمات المفتاحية اللي عليها نسب بحث عالية ومرتبطة بالمجال، وده كان الأساس لجذب الزيارات العضوية.

تحسين محتوى الصفحات:

ركزت على تحسين محتوى الصفحات الرئيسية، عشان أضمن إن المحتوى غني بالكلمات المفتاحية وكمان قيم وجذاب. وده ساعد في تحسين تجربة المستخدم وترتيبنا في محركات البحث.

خطة الباك لينك:

طورت خطة قوية للباك لينك عشان نعزز من مصداقية الموقع. ده شمل التواصل مع مواقع ذات صلة وإنشاء محتوى قابل للمشاركة يجذب الروابط الخلفية بشكل طبيعي.

التعاون مع فريق البرمجة:

نظراً لأن الموقع كان مبرمج بطريقة خاصة، اشتغلت مع فريق البرمجة لحل المشاكل التقنية اللي كانت موجودة. ده شمل:

إصلاح مشاكل السايت ماب والأرشفة.

التأكد من إن الموقع بيفتح بصيغة واحدة (www أو بدون www) لتجنب التضارب.

حل مشاكل متعلقة بالسيرفر وتم تغيير السيرفر لتحسين أداء الموقع.

التجربة دي علمتني كتير وأكدت على أهمية التكامل بين المحتوى، التحليل الفني، والتعاون مع الفرق المختلفة لتحقيق أفضل نتائج. لو مهتم تعرف أكتر عن شغلي أو عندك مشروع محتاج دعم في الـSEO، ياريت نتواصل!