تصميم بوستر إعلاني للبيتزا

تجميع المتريل:

في الأول جمعت العناصر اللي هستخدمها في التصميم زي البيتزا، الخلفية الخشب، ورقة الشجر، عود الشجر، طبق الصلصة، الطماطم، وشكل سماعة التليفون.

الخلفية:

بدأت بحط الخلفية اللي شكلها خشب عشان تبقى أساس التصميم.

البيتزا:

بعد كده حطيت البيتزا في الجانب بشكل مناسب عشان تبقى واضحة.

الاستيكر:

عملت شكل استيكر دائري باستخدام أداة الريتانجل تول وخليت حوافه مشرشرة. بعدين كتبت عليه باستخدام أداة الهورزنتل تول واخترت لون مناسب من خلال أداة الجرادينت تول.

التكست:

عملت مساحة للتكست على شمال التصميم وكتبت التفاصيل باستخدام أداة الهورزنتل تول، واخترت فونت مناسب وتحكمت في حجم التكست. نفس الفكرة عملتها مع كلمة "بيتزا" وعملت تحتها شكل لطيف بادات الريتانجل تول وكتبت عليه.

التفاصيل الصغيرة:

حطيت طبق الصلصة في الجانب، وبعد كده جبت أشكال ورق شجر، عملتلها بلور (Blur) وخليتها تطير في التصميم عشان تديله حركة وشكل حلو.

رقم التواصل والعنوان:

كتبت رقم التليفون والإيميل والعنوان تحت، وحطيت أيقونة السماعة جنب الرقم عشان تبقى واضحة.