برمجة تطبيق تنزيل الفيديوهات من أشهر منصات التواصل turbomscrape

my new app : turboMscrape 0.0.1v

السلام عليكم ازيكم يا شباب

- بما إني معملتش حاجة تفيدكم جميعًا من فترة فالحمد لله عملت برنامج جديد لتحميل الفيديوهات من اشهر منصات التواصل زي :(يوتيوب ،تويتر ،انستجرام، ريديت، فيميو)

ومنصات اخرى زي : (تيكتوك،فيسبوك)

-طبعا انا تعبت في البرنامج وواجهني فيه مشكلات برمجية كتير بسبب طبعا ان كل موقع يختلف عن التاني في الكود بتاعه بس الحمد لله صلحتهم

-البرنامج مجاني كلكم تقدروا تجربوه علي الديسكتوب

مميزات البرنامج:

1- تحميل الفيديوهات من يوتيوب بالجودة المناسبة ليك ورؤية ال thumbnail قدامك اثناء استخدام البرنامج وال title ومعرفة حجم الفيديو وتحميله mp4 او mp3

2-تحميل قوائم تشغيل من يوتيوب بصيغة mp4 أو mp3 والبرنامج بيحط كل الفيديوهات في فولدر واحد ودي حاجة مفيدة جدا بفضل الله

3-تحميل الفيديوهات من ريديت تحط الرابط يجيبلك اسم الفيديو وتحمله

4-تحمل الفيديوهات من (تويتر،انستجرام،فيميو) كذلك برده بتحط رابط الفيديو ويظهرلك و تحمله

5-قسم المواقع الاخرى :

عملت طريقتين :

الطريقة الاولى:

ده عملته انه يبحث عن ال src في:

<video src="">

في كود الموقع علشان يحمله عن طريق جلبه عن طريق request ومن ثم اجيب content ال response واخلي اللغة تحوله ل file mp4 عادي وده للمواقع ال مش بتكون بتستخدم طرق اخرى في اظهار الفيديو (مش متأكد الصراحة هل دي هتشتغل دايما او لا)

الطريقة التانية:

ضفت فيه مواقع زي فيسبوك وتيتكوك وغيرها من المواقع ال مضيفتهاش بالطبع كل ما تخصص موقع معين عشان تعمله scraping بيكون افضل عشان كل موقع مختلف عن التاني في الكود سواء ال classes وال ids وما الى ذلك

6-قسم التحميلات السابقة:

ضفت في البرنامج تسجيل التحميلات ال المستخدم بيحملها بالتاريخ واسم الفيديو والمنصة

-وأتمني البرنامج يكون عجبكم