اعلانات ممولة

مبيعات وصلت ل ٨٢٦ الف جنيه باعلانات قيمتها 180 الف جنيه في ٦ شهور.

خامس قصه نجاح معايا هحكيهالكو وهحاول محكيش كتير.

من حوالي سنه كلمتني دكتوره بتعمل منتجات عنايه بالجمال للسيدات عندها حوالي ٧ منتجات مختلفه ومعاها تصريح وزاره الصحه وكل الأوراق المطلوبه وبقالها ٦ سنين فالمجال بس عندها مشكله في المبيعات انها قليله بالرغم انها بتصرف مبالغ كبيره وجربت مع اكتر من ١٢ ميديا باير مختلف.

فهمت منها ايه المنتجات بتاعتها وكل واحد بيعمل ايه بس قلتلها انا عاوز اكتر منتج فيهم مطلوب فالسوق مش اكتر منتج بتبيعي منو لا انا عاوز الاكثر طلبا فالسوق والبنات بتدور عليه وعشان منتجاتها كلها طبيعيه ١٠٠% ففعلا بتجيب نتايج وملهاش اي اضرار جانبيه.

واتفقنا هنبدا اعلانات ب ٥٠٠ جنيه فاليوم وهعمل تيست وبراندج كدا لمده اسبوعين والاعلانات هتبقا علي المنتج دا بس بحيث اليشتري المنتج دا ويجيب نتيجه معاها هتشتري باقي المنتجات اكيد وهتعمل توصيه علي المنتج لأصحابها ودا الانا عاوزو مش عاوز ابيع لواحده بس انا العاوزه النبيعلها هي تبيع لاصحابها بعد كدا.

بدات اول حمله ب ٣ creative مختلفين عباره عن ٣ فيديوهات واحد animation و ٢ testimonials وعملت 5 adsets مختلفين ( specific interests- broad interests- no interest )

وعشان انا عارف ان terms الفيس بتمنع الاعلانات للموضوع دا فكنت بحاول فالفيديوهات ميظهرش شكل المنتج ويبقا الكلام علي النتايج فقط للمنتج و نلعب علي قد منقدر علي pain points وال solutions للمنتج.

منها قدرت اطلع بال creative ال winner و ٢ winning adsets.

طبعا سعر الرساله كان عالي شويه وعملت فكره كدا ممكن تكون غلط او صح بس معايا جابت معايا جامد اما وصلت لل winners عملت حملتين علي ٢ ad account واحد بالمصري وواحد بالدولار عشان اتاكد حتي اني شغال بال ad account ال. Algorithm بتاعو كمان مزبوط وطلع الشغال بالمصري هو الاحسن فكملت عليه.

كان بيجي فاليوم من ٨ ل ٩ اوردرات من حوالي ٢٨ ل ٣٠ رساله فاليوم يعني حوالي ٣٠%

فاتفقت معاها اني هبدا العب بالبادجت بس تساعدني وتثق فيا لانها كانت من قافله موضوع البادجت دا خالص اخري ٥٠٠ جنيه فاليوم قلتلها هما ٦ ايام بس اجرب ازود البادجت وبدات ازود كل يوم ١٠٠ جنيه كدا .

وصلت البادجت لحد ١٠٠٠ جنيه فاليوم الرسايل زادت ل ١٢٠ رساله والاوردات بقت بتزيد بنسبه اعلي وصلت ل ٣٥ اوردر فاليوم غير ان لما عدا شهر عملت retatgeting الاشترو قبل كدا بقو يشترو عبوه كمان ومنتجات تانيه فزودت معايا النتايج اضعاف.

انا حاولت مطولش اوي فالقصه دي بس الملخص:

حاول تجرب كتير مش مجرد creative او target لا جرب البادجت وجرب الاكونت الاعلاني نفسو وجرب الصفحه اتاكد انها كل حاجه مظبوطه عشان تطلع بافضل النتايج وتبقا متاكد ان كل حاجه مظبوطه.

لو عندك بيزنس او صاحب شركه ومحتاج فريلانسر او أستشاره ممكن تتواصل معايا وبقدر أساعدك ان شاء الله