سيستم إدارة المطاعم ordilligent

قمت ببرمجة سيستم إدارة مطاعم ومحلات المأكولات

بفضل الله

البرنامج منقسم إلي :

-نسخة كاشير

-نسخة إدارة

نبدأ بنسخة الإدارة:

1-تقدر تضيف جميع المأكولات والمشروبات في المطعم بالصور والاسم وتقدر تحط خصومات واسعار وتشوف جميع المنتجات وهكذا وتعدل عليها أو تمسح منتجات

2-قبل إضافة المنتجات بتضيف الاصناف صنف كل اكلة يعني مثلا عندك بيتزا لحم بتكون تابعة إلي صنف البيتزا بحيث يسهل عليك تعرف تشوف منتجاتك

-تقدر تضيف الترابيزات واسم كل ترابيزة وعدد افرادها عشان تستخدمهم في الكاشير

3-تقدر تضيف الوظائف بالمطعم عندك كاشير شيف ايا كانت الوظيفة ال بتتدخلها

4-تقدر تضيف العاملين وانت بتضيفهم بتختار وظيفتهم فبيظهر الراتب اوتوماتيكي ال تم اضافته للوظيفة دي

5-قسم الأرباح بيبقي فيه ٣ أقسام

-قسم إحصائيات وصافي ربح

-قسم مصروفات : هنا بتضيف فلوس الايجار وما الي ذلك من فلوس لازم تتدفع

-قسم مكونات بتشتريها للمطعم : بتضيف المكونات واسعارها والكمية وبيظهرلك المجموع

قسم الإحصائيات بيكون فيه graph بيظهر فيه الايام والاباح في كل يوم كانت عاملة ازاي

وتقدر تضغط علي زرار اظهار عشان يظهرلك صافي الربح ال بيكون:

الربح - (المرتبات+المصروفات+سعر المواد المستخدمة)

ثانيًا نسخة الكاشير :

-بتاخد اوردرات كل ترابيزة من خلال اختيار الترابيزة واضافة طلباتها من خلال كتابة كود الوجبة أو اختيارها يدويًا

-تقدر تشوف اوردرات كل ترابيزة وحساب كل ترابيزة

-تقدر تشوف جميع المنتجات ال تم اضافتها من خلال نسخة الإدارة تختار الصنف فيظهرلك المنتجات باسمها وسعرها بعد الخصم

-تقدر تعدل علي فاتورة اي ترابيزة

-تقدر تطبع فاتورة الترابيزة وتنهي الاودر بعد الدفع

-في قسم الدليفري تقدر تكتب طلبات العميل ال طلب دليفري واسمه ورقمه

-بيبان طلبات الدليفري في قسم لوحده وتقدر تطبع الفاتورة وتنهي الاوردر

-بعد ما تنهي اوردر الدليفري اسم العميل ورقمه بيتحفظ في السيستم بالطلبات بتاعته وتاريخ الطلب عشان لو طلب نفس الوجبة كل مرة تعرفوا هو بيحب ايه وكده او قال عاوز زي كل مرة الطلب المعتاد تكونوا عارفين وتقدر تبحث عنه باسمه او رقم تليفونه