تحقيق مبيعات 700 الف جنية

industry : Clothes

Platform: Meta

Objective: conversion & Messages

Location : Egypt

Budget : 40000 EGP

Duration : month

Sales : 700 Pieces

Total sales : 700 K EGP

يلا بينا نبدأ وخلينا نقسم الشغل اللي اتعمل لجزأين وهو شغل الرسايل والتاني شغل الويب سايت

في البدايه دا براند ملابس قوي جدا الاسعار في متوسطه مش عاليه اوي ومش رخيصه والصراحه في كريتيف وفيديوهات حلوه جدا الواحد كان مبسوط وهو شغال بيها كمان البراند عنده متابعين كويسين سواء علي ال IG او ال FB

دا كدا كان Brief سريع بدأت ب Messages campaign وكالعاده لو انا معايا budget محترمه بروح ناحيه ال farm campaign

لأنها بتفلتر كل حاجه وتخليني عارف انا هروح فين بسرعه

بس قابلني مشكله كبيره وقتها اننا في نهايه الشتاء ومفيش خصومات والجو بدأ يبقي حر فا ان البنات تخش تعمل اوردر دا مكنش سهل بس الحمدلله ربنا كرمني وبقينا بنعمل متوسط 15 ل 20 اوردر في اليوم من الرسايل وكان ال budget بتاعتها 600 جنيه في اليوم

وكان في ايام بنعلي عن ال 25 الحمدلله بس تظل مشكله الشتوي بتواجهني بس عشان الكريتيف كويس جدا فا استغليته صح

نيجي بقي للجزء الأصعب وهو شغل الويب سايت

واكتر حاجه كانت شغلاني ان البنات بتحب تسأل وتتكلم عشان تتطلب لبس ليها بس بصراحه رميت كل حاجه ورا ضهري وقولت ابدأ اعمل ال Tracking بتاعي ونشوف الارقام بتقول ايه

ربط GTM و Google Analytics و clarity وقولت هتفرج واخد قرار بعد اول اسبوع

في الأول اشتغلت farm والحمدلله كانت كويسه جدا بس بعد اول ١٠ ايام بدأت ال peaches تغلي بعد ما كانت ب 50 جنيه زادت ل 70 وساعات اكتر وهنا قررت اغير ال pockets of audience واعمل scaling

اعتمد في ال scaling علي طريقتين واحده متعلمها من mind shift وال هي عملت duplicate لل ad set ال winner في نفس ال campaign والحمدلله ال Cpp نزلت معايا

اما تاني طريقه لل scaling انا ال اخترعتها تقريبا

وهي اني خد كل ال winner ad sets في كل ال campaign وحططتهم لوحدهم في campaign CBO

وبصراحه ال cost نزلت معايا جدا وبدأت الويب سايت يعمل بال 15 اوردر وساعات بنوصل ل 20 بس فضل نفس مشكله الجو بدأ يبقي حر اكتر والاوردرات بدأت تقل وهنا قررنا نبدأ صيفي وبما ان رمضان داخل علينا فا عملنا شغل رمضان

ودي هتبقي ال Case study الجايه لأن نتائجها كانت عظمه بالنسبالي فوق ما كنا نتوقع الحمدلله